Óskarsverðlaunaleikkonan Gwyenth Paltrow segir að 17 ára gömul dóttir sín hafi ekki séð mömmu sína á hvíta tjaldinu. Paltrow á tvö börn, dóttur sem er 17 og son sem er 15 ára, með fyrrverandi eiginmanni sínum, tónlistarmanninum Chris Martin.
„Börnin mín hafa aldrei séð mig í bíómynd,“ sagði Paltrow í bandarískum sjónvarpsþætti á fimmtudaginn. „Ég held að sonur minn hafi séð Járnkarlinn, en ég held að dóttir mín hafi ekki séð mig í kvikmynd.“
Apple, dóttir Paltrow, finnst skrítið að horfa á móður sína leika í kvikmynd. „Hún segir að hún kunni vel við sig hér,“ sagði Paltrow og benti á hjarta sitt.