Anna Wintour, ritstjóri bandarískrar útgáfu tímaritsins Vogue og valdamesta kona tískuheimsins, eignast sitt þriðja barnabarn seinna á þessu ári ef marka má myndir sem fréttamiðilinn PageSix birti á dögunum. Þar má sjá ólétta dóttur Wintour, Bee Schaffer, spóka sig á Ítalíu í strandbænum Portofino ásamt eiginmanninum Francesco Carrozzini.
Hjónin vinna bæði í skemmtanaiðnaðinum; Schaffer vinnur fyrir Late Night Show með Seth Meyers en Corrozzini er kvikmyndagerðarmaður og ljósmyndari. Þetta er fyrsta barn hjónanna, sem fagna í júlí þriggja ára brúðkaupsafmæli en þau hafa verið í sambandi síðan 2016.