Tónlistarmaðurinn og sjö barna faðirinn Nick Cannon hefur tekið upp skírlífi líkt og sálfræðingur hans ráðlagði honum. Hann ætlar ekki að búa til fleiri börn í bili og ætlar að reyna að lifa skírlifi út árið.
Cannon sagði frá því í viðtali nýlega að sálfræðingur hans hefði ráðlagt honum skírlífi eftir að hann eignaðist fjögur börn, með þremur konum, á hálfu ári.
Í öðru viðtali við Drink Champs sagðist hann hafa tekið ráði sálfræðingsins. „Ég ætla að reyna að halda því út árið,“ sagði Cannon.
Cannon á sem fyrr segir sjö börn. Elstu börn hans eru tíu ára. Það eru tvíburarnir Moroccan og Monroe sem hann átti með fyrrverandi eiginkonu sinni Mariuh Carey. Soninn Golden á hann með fyrrverandi kærustu sinni Brittany Bell en þau eignuðust einnig dótturina Powerful Queen í lok síðasta árs.
Á júní þessu ári eignaðist hann tvíburana Zion og Zillion með Abby de La Rosa. Soninn Zen átti hann í sama mánuði með fyrirsætunni Alyssu Scott.