Albert prins með börnin í jólaþorpi

Albert prins af Mónakó og börnin hans tvö voru viðstödd opnun jólaþorps í Mónakó. Mikið var um dýrðir og ljóst að Albert vildi að börnin upplifðu sannkallaða jólastemningu.

Mikið hefur mætt á fjölskyldunni að undanförnu en Charlene prinsessa hefur glímt við mikil og erfið veikindi sem hafa gert það að verkum að hún hefur lítið sem ekkert getað varið tíma með fjölskyldunni. Nú er hún í hvíldarinnlögn á ónefndum stað utan Mónakó og ekki er vitað hvenær hún snýr aftur heim til sín. Börnin urðu sjö ára 10. desember og líklegt þykir að Charlene hafi misst af þeim áfanga í lífi þeirra.