Samfélagsmiðlastjarnan og guðfræðingurinn Erna Kristín Stefánsdóttir og sambýlismaður hennar, Bassi Ólafsson, eiga von á tveimur drengjum. Erna greindi frá því í nóvember að þau ættu von á tvíburum og í gær greindi hún frá líffræðilegum kynjum tvíburanna.
„Tveir litlir Bassar á leiðinni,“ skrifaði Erna á Instagram. „10 af 10 úr skoðun á börnum & móður. Allt það sem skiptir máli í stóra samhenginu.“
Þau greindu frá kynjum barnanna með því að sprengja blöðru. Í stað þess að notast við hefðbundna kynjaliti á borð við bleikan og bláan völdu þau silfur og gull, silfur fyrir stráka og gull fyrir stelpur. Í ljós kom silfur og sagði Erna að þau gætu ekki beðið eftir silfurdrengjunum sem væru væntanlegir í apríl.