Borissa, Charlotte eða Maggie?
Setja bókamerki
Boris Johnson, forsætisráðherra Bretlands, og eiginkona hans Carrie Johnson eignuðust dóttur í gær. Breska þjóðin getur nú veðjað á hvað litla stúlkan muni heita en á meðal nafna sem breskur almenningur hefur þegar giskað á eru nöfnin Borissa, Charlotte, Maggie, Josephine og Sephira.
Flest telja að litla stúlkan verði nefnd Charlotte, eftir móður Johnsons. Aðrir telja nafnið Maggie líklegra og að Johnson nefni hana þá eftir forvera sínum í starfi, Margaret Thatcher. Josephine og Sephira eru einnig ofarlega á lista.
Breska þjóðin er þekkt fyrir einstakt skopskyn sitt og hafa einhverjir veðjað á nafnið Borissa. Þá hefur nafnið Allegra einnig borið á góma, en það væri eftir Allegru Stratton, fyrrum talsmanns Johnsons sem neyddi til að segja af sér í vikunni vegna myndbands þar sem hún sást grínast um jólaveislu sem haldin var í Downingstræti 10 fyrir síðustu jól.
Stúlkan litla sem enn hefur ekki fengið nafn er sjöunda barn Johnsons en annað barn þeirra hjóna saman. Fyrir eiga þau soninn Wilfred. Sá stutti heitir fullu nafni Wilfred Lawrie Nicholas Johnson. Nafnið Wilfred er eftir afa Borisar, Lawrie eftir afa Carrie og Nicholas eftir læknunum sem önnuðust Boris þegar hann veiktist af kórónuveirunni.
Önnur börn Johnson heita Lara, Milo, Theodore, Cassia og Stephanie.
Sárt að horfa upp á illa meðferð fjármuna
Þrjú og hálft ár fyrir skotárás í Úlfarsárdal
Bjarkey stendur við skammarbréf Svandísar
Færa slökkviliðið til nútímans
Markaðurinn hitnar og leiguverð hækkar hratt
Hægagangur og vaxandi ókyrrð
Innviðir þandir og álagið „gríðarlegt“