Knattspyrnustjarnan Hörður Björgvin Magnússon og kærasta hans Móeiður Lárusdóttir eiga von á sínu öðru barni á næsta ári. Parið greindi frá gleðitíðindunum á samfélagsmiðlum sínum í gær en þau eru nú stödd í fríi í Dúbaí.
Dóttir þeirra, Mattea Móa Harðardóttir, kom í heiminn í apríl í fyrra. „Bráðum verðum við fjögur,“ skrifaði Móeiður á Instagram.
Móeiður og Hörður búa nú í Moskvu í Rússlandi þar sem Hörður leikur með liðinu CSKA Moskva. Í framtíðinni sjá þau fyrir sér að búa í Fossvoginum í Reykjavík en fyrr á þessu ári keyptu þau einbýlishús af fyrrverandi landsliðsmanninum Eiði Smára Guðjohnsen og fyrrverandi eiginkonu hans Ragnhildi Sveinsdóttur.