Ríka og fræga fólkið fjölgaði sér
Setja bókamerki
/frimg/1/38/79/1387935.jpg)
Hinir ríku og frægu héldu áfram að fjölga sér á árinu sem er að líða. Harry og Meghan eignuðust dóttur. Alec og Hilaria Baldwin eignuðust enn eitt barnið. Leikkonan Amber Heard ákvað að stofna fjölskyldu ein og Naomi Campbell varð ekki bara 51 árs á árinu heldur einnig móðir í fyrsta sinn.
Alec og Hilaria Baldwin
Árið endaði illa hjá leikaranum Alec Baldwin eftir voðaskot á tökustað. Það byrjaði hins vegar mun betur þar sem hann eignaðist sitt sjöunda barn og það sjötta með eiginkonu sinni Hilariu Baldwin.
Meghan og Harry
Hertogahjónin af Sussex, Meghan og Harry, fullkomnuðu fjölskyldu sína á árinu. Dóttirin Lilibet kom í heiminn í byrjun sumars.
John Mulaney og Olivia Munn
Grínistinn John Mulaney og leikkonan Olivia Munn eignuðust son í desember. Þetta er fyrsta barn þeirra saman en parið hefur ekki verið saman lengi.
Macaulay Culkin og Brenda Song
Home Alone-stjarnan og kærasta hans, Brenda Song, eignuðust son sem fékk nafnið Dakota.
Christina Ricci og Mark Hampton
Bandaríska leikkonan Christina Ricci eignaðist dóttur með eiginmanni sínum, Mark Hampton, í desember. Þetta var fyrsta barn hjónanna saman en fyrir átti Ricci son.
Beatrice prinsessa og Edoardo Mapelli Mozzi
Beatrice prinsessa og eiginmaður hennar, Edoardo Mapelli Mozzi, eignuðust dóttur í september. Stúlkan, sem er fyrsta barn hjónanna, fékk nafnið Sienna Elísabet Mapelli Mozzi.
Alicia Vikander og Michael Fassbender
Sænska leikkonan Alicia Vikander eignaðist barn með eiginmanni sínum, Hollywoodstjörnunni Michael Fassbender. Vikander og Fassbender fóru leynt með óléttuna og fæðinguna.
Cardi B og Offset
Tónlistarhjónin eignuðust son í september en fyrir áttu þau dóttur.
Emily VanCamp og Josh Bowman
Leikkonan Emily VanCamp kom aðdáendum sínum á óvart þegar hún greindi frá því í sumar að hún og eiginmaður hennar og fyrrverandi mótleikari úr Revenge hefðu eignast dóttur saman.
Scarlett Johansson og Colin Jost
Hollywoodleikkonan Scarlett Johansson og Saturday Night Live-stjarnan Colin Jost eignuðust soninn Cosmo.
Amber Heard
Leikkonan eignaðist sitt fyrsta barn í apríl með hjálp staðgöngumóður. Heard sagðist vera bæði mamman og pabbinn.
Gal Gadot og Jaron Varsano
Wonder Woman-leikkonan eignaðist sitt þriðja barn með eiginmanni sínum í mars.
Ewan McGregor og Mary Elizabeth Winstead
Leikaraparið sem kynntist við tökur á Fargo eignaðist son á þessu ári. Strákurinn fékk nafnið Laurie.
Troian Bellisario og Patrick J. Adams
Suits-leikarinn Patrick J. Adams og eiginkona hans, Pretty Little Liars-leikkonan Troian Bellisario, eignuðust dóttur í maí. Stúlkan var að flýta sér í heiminn og fæddist í bílastæðahúsi.
Christine Quinn og Christian Richard
Dramadrottningin Christine Quinn úr Selling Sunset á Netflix eignaðist sitt fyrsta barn á dramatískan hátt.
Naomi Campbell
Ofurfyrirsætan Naomi Campbell varð 51 árs á árinu og eignaðist sitt fyrsta barn. Hún greindi ekki frá því hvort hún hefði ættleitt ungbarn eða nýtt sér þjónustu staðgöngumóður.
Marie Kondo og Takumi Kawahara
Tiltektardrottningin Marie Kondo eignaðist sitt þriðja barn með eignmanni sínum.
Karl Filippus Svíaprins og Soffía prinsessa
Karl Filippus Svíaprins og eiginkona hans Soffía prinsessa eignuðust son, sitt þriðja barn, í mars. Litli drengurinn fékk nafnið Júlían Herbert Folke.
Emma Stone og Dave McCary
Óskarsverðlaunaleikkonan Emma Stone eignaðist sitt fyrsta barn hinn 13. mars með Saturday Night Live-leikstjóranum David McCary.
Zara og Mike Tindall
Zara Tindall, dóttir Önnu prinsessu og barnabarn Elísabetar drottningar, eignaðist þriðja barnið með eiginmanni sínum Mike Tindall.
Pippa og James Matthews
Pippa Matthews, litla systir Katrínar hertogaynju, eignaðist dóttur með eiginmanni sínum í mars. Fyrir áttu þau tveggja ára gamlan son.
Emily Ratajkowski og Sebastian Bear-McClard
Ofurfyrirsætan Emily Ratajkowski og eiginmaður hennar, kvikmyndaframleiðandinn Sebastian Bears-McClard, eignuðust sitt fyrsta barn 8. mars.
Tveir í bílnum sem lenti utan vegar
„Hvílir mikil leynd yfir þessu öllu“
„Okkur miðar í rétta átt“
„Það þarf að vinna mikinn fjölda upp“
Verðbólgan komin niður í 6%
Hernaðaraðstoð samþykkt – Vopnasendingar í vikunni
Skiptir miklu meira máli en fólk grunar