Segist vera pabbinn og biður Khloé afsökunar

Khloé Kardashian og Tristan Thompson.
Khloé Kardashian og Tristan Thompson.

Körfuboltakappinn Tristan Thompson viðurkenndi í byrjun vikunnar að hann ætti soninn sem einkaþjálfarinn Maralee Nichols fæddi í desember. Sonurinn kom undir þegar Thompson var í sambandi með raunveruleikastjörnunni Khloé Kardashian. 

Thompson greindi frá því á Instagram að niðurstaða væri komin í faðernispróf sem hann hefði tekið. Greindi hann frá því að hann væri barnsfaðir Nicholas og að hann tæki fulla ábyrgð á gjörðum sínum. „Nú þegar að faðernið hefur verið staðfest hlakka ég til að ala upp son okkar,“ skrifaði Thompson. Hann baðst einnig afsökunar. 

Í sérstakri færslu bað hann barnsmóður sína og fyrrverandi kærustu Khloé Kardashian afsökunar. Þetta var ekki í fyrsta skipti sem hann hélt fram hjá Kardashian-systurinni. 

„Khloé, þú átt þetta ekki skilið. Þú átt ekki skilið hugarangrið og niðurlæginguna sem ég hef valdið þér. Þú hefur ekki átt það skilið hvernig ég hef komið fram við þig í gegnum árin,“ skrifar Thompson sem segist bera mikla virðingu fyrir Kardashian þrátt fyrir gjörðir sínar. Hann bað hana síðan enn og aftur afsökunar. 

mbl.is
Fleira áhugavert
Fleira áhugavert