Knattspyrnumaðurinn Hörður Björgvin Magnússon og sambýliskona hans, Móeiður Lárusdóttir, eiga von á sínu öðru barni. Þegar þau tilkynntu kyn dóttur sinnar fyrir tveimur árum héldu þau flugeldasýningu og stóra kynjaveislu en ekkert slíkt verður gert í þetta skiptið.
Móeiður greindi frá því í sögu á Instagram að þau vissu kyn barnsins en tók jafnframt fyrir aðra flugeldasýningu. „Við vitum kynið,“ skrifaði Móeiður. „Mattea fékk flugeldasýningu og með því. Það er eitthvað minna í ár.“
Parið sem býr í Rússlandi greindi frá því rétt fyrir jól að von væri á öðru barni. Í framtíðinni sjá þau fyrir sér að búa í Fossvoginum í Reykjavík en í fyrra keyptu þau einbýlishús af fyrrverandi landsliðsmanninum Eiði Smára Guðjohnsen og fyrrverandi eiginkonu hans Ragnhildi Sveinsdóttur.