Sif Sím­on­ar Ólafs­son ákvað að eign­ast barn ein. Hún seg­ir lífs­klukk­una ekki standa í stað og er það ástæða þess að hún fór að íhuga sína mögu­leika 36 ára göm­ul. Fimm ára göml­um syni henn­ar þykir ekk­ert eðli­legra en að eiga eitt for­eldri. 

„Mig hef­ur alltaf langað í fjöl­skyldu, al­veg síðan að ég man eft­ir mér. Þegar ég var um tví­tugt þá ætlaði ég mér að eiga þrjú börn fyr­ir 27 ára ald­ur,“ seg­ir Sif. Hún seg­ir að það sé hálf­fyndið að hugsa til þess að hún hafi alltaf haft það á bak við eyrað að ef planið gengi ekki upp gæti hún fengið sér frost­p­inna eins og hún orðar það en þar á hún við tækni­frjóvg­un. „Það var alltaf fyrsta val að gera þetta með maka en það bara gekk ekki upp. Sam­bönd gengu ekki upp.“

Heppnaðist í fyrstu tilraun en var búin að safna

Sif byrjaði á að panta viðtalstíma hjá Art Medica „Mér fannst ég vera að renna út á tíma,“ seg­ir Sif og bend­ir á að það sé vitað að frjó­semi kvenna minnki eft­ir 35 ára ald­ur­inn.

Hún byrjaði á að láta kanna horm­óna­bú­skap­inn. „Svarið sem ég fékk var að þetta væri allt í góðu eins og var en lækn­ir­inn ráðlagði mér að bíða ekk­ert með þetta of lengi. Í fram­haldi af því þorði ég ekki að bíða of lengi. Þetta var al­veg erfið ákvörðun. Þessi hugs­un um að gefa barn­inu bara eitt for­eldri var erfið, er ég að svipta því ein­hverju? Þetta var ekki auðveld ákvörðun þannig lagað,“ seg­ir Sif um ákvörðun­ina. 

„Það leið ekki ár þangað til að ég fór í fyrstu meðferð og það heppnaðist í fyrstu til­raun,“ seg­ir Sif sem var þó búin að gera ráð fyr­ir að það gæti tekið tíma að verða ólétt. „Ég var meira að segja búin að safna pen­ing­um fyr­ir tveim­ur meðferðum ef ekki fleiri. Ég gerði al­veg ráð fyr­ir því.“

Á líffræðilegan bróður

Sif er eina for­eldri son­ar síns en bend­ir á mál­tækið að það þurfi þorp til þess að ala upp barn. Hún var til dæm­is búin að ræða ákvörðun­ina við ætt­ingja áður hún fór af stað. „Í fæðing­unni var það ein elsta vin­kona mín sem fór í gegn­um hana með mér. Henni fannst þetta ótrú­lega skemmti­legt tæki­færi. Hún var búin að eiga tvö börn sjálf en þetta var í fyrsta skipti sem hún fékk tæki­færi til þess að vera viðstödd fæðingu. Henni fannst þetta bara mjög spenn­andi. Mér veitti ekki af stuðningn­um, þetta var löng og erfið fæðing. Það veitti ekk­ert af að hafa ein­hvern með sér.“

Það eru sex ár síðan að Sif var ólétt og seg­ir hún margt búið að breyt­ast síðan þá. „Ég held að viðhorfið sé búið að breyt­ast síðan að ég var ólétt. Ég man að þegar ég varð ólétt þá voru nokkr­ir aðilar sem létu aðeins í skína að þeim fynd­ist þetta ekki al­veg í lagi. Það var sér­stak­lega einn aðili en hann hafði verið rang­feðraður, þetta var aðallega út frá hans vanda­mál­um. Í dag held ég að þetta sé mun al­geng­ara, við orðnar fleiri og fólk meðvitaðra. Fyr­ir sex árum voru þó flest­ir já­kvæðir og fannst þetta áhuga­vert. Í dag eru hins veg­ar fæst­ir sem spá einu sinni í þessu og finnst þetta bara eðli­legt, á Íslandi að minnsta kosti.“

Sif segir það orðið algengt að konur eignist börn einar. mbl.is/Kristinn Magnússon

Sif seg­ir að son­ur sinn sé ekki mikið að velta fyr­ir sér af hverju hann eigi ekki pabba og bara eina mömmu. Þau hafa meðal ann­ars lesið bók sem fjall­ar um þetta fjöl­skyldu­form. Bók­in hef­ur hjálpað til við að út­skýra fyr­ir barn­inu hvernig hann varð til. „Eina sem hann var ekki sátt­ur við var af hverju þetta var kallað baun en ekki barn en í bók­inni er talað um baun í stað fóst­urs. Þetta hef­ur ekki verið neitt vanda­mál hjá hon­um að eiga ekki pabba, hon­um finnst það jafn eðli­legt að eiga eitt for­eldri og að aðrir eigi tvo. Það hef­ur nú kannski hjálpað til að hann á hálf­bróður sem hann þekk­ir. Við erum tvær kon­ur sem höf­um notað sama gjafa. Við tók­um þá ákvörðun að láta þá kynn­ast sem bræður. Við erum með op­inn gjafa sem þýðir það að barnið fær nafn við 18 ára ald­ur en í millitíðinni erum við með núm­er. Í Ein­stök­um mæðrum-hópn­um (Fé­lag kvenna sem velja að eign­ast börn ein­ar með tækni­frjóvg­un eða ætt­leiðingu) get­ur þú deilt gjafa­núm­er­inu en það er eng­in skylda. Ég hafði sett mitt núm­er þarna inn. Gunn­ur, móðir bróður hans, hafði sam­band við mig og sagðist hafa notað sama gjafa og það er ekki nema tveir mánuðir á milli þeirra. Þetta er bara frá­bært tæki­færi. Hvor­ug okk­ar er lík­leg til að eign­ast fleiri börn þannig þetta er senni­lega þeirra eina tæki­færi að eign­ast systkini,“ seg­ir Sif sem seg­ir bræðurna líka en auðvitað mjög líka mæðrum sín­um.

Ekki bíða of lengi

Lífið hef­ur breyst síðan að Sif varð móðir en hún taldi sig vita hvað hún var að fara út í. „Ég vissi að þetta yrði erfitt en ég vissi líka að þetta yrði gef­andi. Það var í sjálfu sér ekk­ert sem kom á óvart enda var ég búin að und­ir­búa mig vel. Þetta er dá­sam­legt. Ég er mjög glöð að hafa geta valið þessa leið. Þó ég hafi sagt að eign­ast barn með maka hafi verið fyrsta val þá er ég mjög þakk­lát og glöð að hafa getað valið að fara þessa leið. Bæði þekki ég kon­ur sem hafa reynt þetta og ekki tek­ist og svo eru karl­menn sem eru ein­hleyp­ir sem lang­ar að eign­ast fjöl­skyldu en það er ekki svo hlaupið að því fyr­ir þá.“

Sif hvet­ur kon­ur til þess að bíða ekki of lengi með að fara af stað ef þær eru að hugsa um að eign­ast barn. Hún seg­ir fyrsta skrefið að fara í viðtal og at­huga hvernig staðan á lík­am­an­um er. „Bara ekki bíða of lengi. Maður er ekk­ert búin að af­skrifa ást­ina eða gef­ast upp þó maður fari þessa leið. Það get­ur alltaf komið síðar en þetta renn­ur út á tíma,“ seg­ir Sif.

Tengdar fréttir

Sjálfstæðar mæður

Óvænt ólétta, tvíburameðganga og missir

• Olga var óróleg á meðgöngu eftir að hafa upplifað fósturlát áður
• „Það birtir alltaf til að lokum“
• Var spenntari fyrir barni en maka
• Flutti úr borginni til að verja meiri tíma með syni sínum

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Fátt eðlilegt við