Elísabet og Sindri gáfu syninum nafn
Setja bókamerki
Tónlistarkonan Elísabet Ormslev og hljóðhönnuðurinn Sindri Þór Kárason gafu syni sínum nafn um helgina. Litli strákurinn fékk nafnið Bjartur Þór Ormslev Sindrason.
Bjartur litli er fyrsta barn foreldra sinna en hann kom í heiminn hinn 11. desember á síðasta ári. Elísabet og Sindri fundu hvort annað árið 2020 en Elísabet tók þátt í Söngvakeppni sjónvarpsins sama ár.
Parið hafði úr nægum ættarnöfnum að velja þegar þau gáfu Bjarti litla nafn líkt og Elísabet grínaðist með þegar hún greindi frá því að þau ættu von á barni í maí á síðasta ári. „Lítið krútt væntanlegt í desember. Hvaða ættarnafn verður fyrir valinu kemur í ljós síðar en Michelsen, Ormslev, Möller, Petersen eða Knudsen koma til greina,“ skrifaði hún á sínum tíma. Parið hefur þó látið Ormslev-nafnið duga í bili.
Barnavefurinn óskar þeim innilega til hamingju!
Sáttur við sína stöðu og finnur fyrir meðbyr
Tapa fimm milljónum á dag
Búið að bólusetja börn alla helgina
Moses Hightower og Prins Póló gefa út eyjalag
„Þetta er pínu óvanaleg staða“
Fara ekki lengur fram á einangrun yfir Davíð
Mest spennandi kosningar í áratugi