Fjöllistamaðurinn Kanye West gaf út lagið Dreamin Of The Past á dögunum ásamt ameríska rapparanum Pusha T. Í laginu rappar West um góða tíma sem nú tilheyra fortíðinni; þá tíma sem hann og athafnakonan Kim Kardashian áttu saman með börnum sínum.

West virðist vera þjáður af fortíðarþrá og löngun til að sameina fjölskylduna aftur en miklar sviptingar hafa verið í kringum skilnaðinn og uppeldismál barnanna. Í texta lagsins Dreamin Of The Past kemur fram setning sem stingur í stúf þar sem West rappar um óöruggt heimilishald þar sem feður eru fjarri. 

„Fæddur í jötu, sonur ókunnugs manns. Þegar pabbi er ekki heima er fjölskyldan í hættu,“ segir í textanum. Þessi setning samrýmist þeirri atburðarrás sem greip um sig í kjölfar skilnaðarins. Fréttamiðillinn Page Six greindi frá.

Kanye West hefur áður lýst yfir óánægju sinni með ástarsamband fyrrverandi eiginkonu sinnar við grínistann Pete Davidson. Vill hann ekki sjá að Davidson komi nálægt uppeldi barna sinna fjögurra, North, Saint, Chicago og Psalm, sem hann á með Kardashian. 

Tengdar fréttir

Kardashian

Kardashian keypti bíl sem var kynntur á hálendi Íslands

• „Það er með sorg í hjarta að ég tilkynni að systir mín lést skyndilega í gær“
• Sakar þau um að kaupa sér vinsældir barnanna
• „Mig langar svo mikið að gifta mig“
• Kardashian í einkaþotu á Arsenal leik

» Fleiri tengdar fréttir

• Blogga um frétt