Óskarsverðlaunaleikkonan Cate Blanchett segir að krakkarnir hennar séu lítið að velta sér upp úr því að hún sé fræg kvikmyndastjarna. Blanchett hlaut hin virðingarverðu Chaplin verðlaun á dögunum og segir að krakkarnir hennar hafi ekki hugmynd um það.
„Þau hafa enga hugmynd, sko enga,“ sagði Blachett í viðtali við Page Six á mánudag. „Ég sagði þeim að ég væri að fara til New York í 36 klukkustundir og kæmi aftur á miðvikudag. Eitt þeirra fær afhent verðlaun í skólanum og þau sögðu bara okei.“
Blanchett á fjögur börn með eiginmanni sínum Andrew Upton, Dashiell sem er 20 ára, Roman 18 ára, Ignatius 14 ára og Edith sem er 7 ára.
Blanchett hefur leikið hverri kvikmyndinni á fætur annarri og unnið tvenn Óskarsverðlaun fyrir kvikmyndirnar The Aviator og Blue Jasmine.