Karlotta prinsessa fagnar sjö ára afmæli sínu í dag og af því tilefni gaf höllin út glænýjar myndir af afmælisbarninu. Karlotta litla þykir gríðarlega lík föður sínum, Vilhjálmi Bretaprins.
Móðir hennar, Katrín hertogaynja af Cambridge, smellti myndunum af afmælisbarinu um helgina. Vilhjálmur, Katrín og börn þeirra þrjú eyddu helginni á sveitasetri sínu í Norfolk en myndirnar eru teknar í garðinum þar.
Á einni myndinni er hundurinn þeirra, Orla, en hundurinn bættist í fjölskylduna á síðasta ári eftir að hundurinn þeirra Lupo hélt á vit feðra sinna.
Það er frídagur í Bretlandi í dag og því þarf hin sjö ára afmælisstúlka ekki að fara í skólann í dag.