Leikarinn Alec og eiginkona hans, Hilaria Baldwin, eiga von á dóttur. Frú Baldwin greindi frá kyni barnsins með því að birta langt myndskeið á Instagram og sagðist vilja tilkynna kynið á annnan hátt en áður.
Stúlkan sem frú Baldwin gengur með er sjöunda barn hjónanna og áttunda barn leikarans Alecs Baldwins. Í myndskeiðinu gáfu systkinin og foreldrarnir ófæddri systur sinni góð ráð. Að lokum báðu systkinin að heilsa systur sinni og foreldrarnir dóttur sinni.
Baldwin-hjónin eiga saman Carmgen Gabrielu átta ára, Rafael Thomas sem er sex ára, Leonardo Ángel Charles sem er fimm ára, Romeo Alejandro David sem er þriggja ára, Eduardo Pao Lucas 18 mánaða og Maríu Lucíu Victoriu sem er 13 mánaða. Hilaria Baldwin gekk með öll börnin fyrir utan yngsta barnið sem kom í heiminn með hjálp staðgöngumóður. Fyrir átti Alec Baldwin eina dóttur sem er fullorðin.