Afi allra landsmanna snýr aftur
Setja bókamerki
Örn Árnason rifjar upp gömlu góðu Afa taktana með því að lesa fyrir börnin. Afi og Storytel bjóða börnunum í notalega sögustund. Hjá afa má slappa af og læra um allt á milli himins og jarðar, hlusta á nýjar og gamlar sögur og kynnast því hvernig lífið var hér áður fyrr.
Sögustund með Afa er hljóðsería í tíu hlutum. Fyrstu fimm sögustundirnar verða aðgengilegar á Storytel, næstkomandi laugardag hinn 14. maí. Í fyrstu sögunni segir Afi frá þjóðsögum og hvaðan þær komu. Afi segir frá spennandi atvikum úr æsku og fer með lesendur upp um fjöll og firnindi.
Sjónvarpsþátturinn Með Afa var á dagskrá Stöðvar 2 á laugardagsmorgnum frá árinu 1987 til 2006. Sérstök auka þáttaröð með 24 þáttum var gefin út árið 2015 og því ættu nútíma foreldrar að geta átt góðar stundir með afkvæmum sínum og rifjað upp notalegar stundir úr æsku um leið og Afi eignast nýjan aðdáendahóp.
Áköf mótmæli í bandarískum háskólum
Bifreið ekið á skrifstofu Útlendingastofnunar
„Mér finnst Halla Hrund svona Vigdísarleg“
Fiskikóngurinn: „Mér fannst sárt að heyra það“
„Þetta er pínu óvanaleg staða“
Búið að bólusetja börn alla helgina
„Þetta náttúrulega endar með ósköpum“
Moses Hightower og Prins Póló gefa út eyjalag