Anna Fríða og Sverrir eiga von á öðru barni

Anna Fríða Gíslasdóttir á von á sínu öðru barni.
Anna Fríða Gíslasdóttir á von á sínu öðru barni. mbl.is/Kristinn Magnússon

Anna Fríða Gísladóttir, forstöðumaður markaðsmála hjá Play, og Sverrir Falur Björnsson eiga von á sínu öðru barni. Anna Fríða greindi frá þessu á Instagram í dag. 

„Vanalega eru 32 ára afmælisdagar ekki tilefni til að fagna svakalega. Nema þessi dagur, fyrir viku síðan - því á þessum degi fengum við þær góðu (og ekki sjálfsögðu) fréttir að komandi fjölskyldumeðlimur væri í toppmálum eftir frekari rannsóknir,“ skrifar Anna Fríða við fallega mynd af sér.

Fyrir eiga þau Anna Fríða og Sverrir soninn Björn Helga. 

Anna Fríða hóf störf hjá flugfélaginu Play í febrúar á þessu ári. Áður starfaði hún við markaðsmál hjá Bioeffect og þar á undan hjá Domino's á Íslandi. 

Barnavefurinn óskar þeim innilega til hamingju!

mbl.is