Tónlistarmaðurinn Michael Bublé segist hafa íhugað að segja skilið við tónlistarferilinn og einbeita sér alfarið að föðurhlutverkinu. Í síðasta mánuði tók Bublé og eiginkona hans, leikkonan Luisana Lopilato, á móti fjórða barninu sínu.
Bublé kom fram í That Gaby Roslin hlaðvarpinu á dögunum þar sem hann ræddi um tónlistina og föðurhlutverkið. „Ég held að ég sé að nálgast það að geta bara farið og verið pabbi. Ég er með þessa mynd í hausnum af mér út á túni með börnunum mínum og börnunum hans Ed Sheeran og við erum bara að knúsa hvort annað í lautarferð og að verða full,“ sagði Bublé og hló.
Bublé og Lopilato eiga tvær dætur og tvo syni, en Bublé hefur lengi verið staðráðinn í því að láta ekki tónlistaferilinn hafa neikvæð áhrif á fjölskyldulífið. Árið 2016 viðurkenndi hann að það væri krefjandi.
„Allar ævisögumyndir sem ég horfi á um söngvara, það er alltaf sama sagan,“ sagði hann og benti á að þær endi oftast á því að frægðin verði þess valdandi að þeir yfirgefi fjölskylduna og sjái svo eftir því það sem eftir er.