Grínistinn Nick Cannon segir nýfædda dóttur sína og fyrirsætunnar Lanisha Cole hafa fengið „viðbjóðslegar“ dauðahótanir.

Dóttir þeirra, sem hefur þegar fengið nafnið Onyx, kom í heiminn þann 14. september síðastliðinn. Onyx er fyrsta barn þeirra saman en níunda barn Cannons.

Cannon hefur verið áberandi í fjölmiðlum í ár, en hann hefur tekið á móti þremur börnum með þremur mismunandi konum. Hann á nú alls tíu börn og er ellefta barnið á leiðinni. 

Frétt af mbl.is

Systkinin fæddust með 15 daga millibili

Vill að gagnrýninni sé beint að sér

Fram kemur á vef Page Six að Cannon hafi opnað sig á Instagram um alvarlegar hótanir sem nýfædd dóttir hans hafi fengið. Cannon hefur hlotið mikla gagnrýni og hefur beðið fylgjendur sína að beina allri gagnrýni sem þeir hafa í hans garð að honum, en ekki að barnsmæðrum sínum og börnum. 

Cannon segir fólk ekki geta lagst lægra en að hóta barni lífláti. „Sum ykkar eru viðbjóðsleg,“ skrifaði hann á Instagram og bætti við að sama hve illa fólki líki við hann og hans líf gefi það þeim ekki rétt á að hóta barninu hans. 

Tengdar fréttir

Frægar fjölskyldur

Dóttir barnastjörnu fæddist andvana

• Þurftu að tilkynna nafnið extra snemma
• Sonur Berglindar og Kristjáns kominn með nafn
• „Getum ekki beðið eftir þér lengur“
• Reykjavíkurdóttir á von á öðru barni

» Fleiri tengdar fréttir

• Blogga um frétt