Héraðsdómslögmaðurinn Jóhannes Tómasson og Lísbet Sigurðardóttir, lögfræðingur og formaður Sambands ungra sjálfstæðismanna, eiga von á sínu öðru barni. Lísbet tilkynnti gleðifregnirnar með færslu á instagram.
„Spennt tilvonandi vísitölufjölskylda því lítill Jóhannesson ætlar að bætast í hópinn í vor,“ skrifaði Lísbet við fallega mynd af fjölskyldunni, en þar heldur Jóhannes á sónarmynd.
Lísbet og Jóhannes eiga fyrir dótturina Ólöfu sem kom í heiminn 9. desember 2021.
Barnavefurinn óskar þeim innilega til hamingju!