Íslandsvinurinn og leikarinn Alexander Skarsgård er sagður hafa eignast sitt fyrsta barn með sænsku leikkonunni Tuvu Novotny. 

Fram kemur á vef Page Six að Novotny hafi sést með barnakerru í New York á mánudaginn síðasta, en við hlið hennar gekk Skarsgård með ungbarn vafið í teppi í fanginu. Parið hefur ekki enn tilkynnt fæðinguna, en myndir sem náðust af þeim í New York benda til þess að barnið sé komið í heiminn. 

Fyrir á Novotny 15 ára dótturina Ellu úr fyrra sambandi með Nicolai Bjerrum Lersbryggen. Sögusagnir um ástarsamband Novotny og Skarsgårds fóru á kreik fyrr á þessu ári, en sjö mánuðir eru liðnir frá því að leikkonan frumsýndi óléttukúluna. 

Ferðaðist um Vestfirði með Ara Magg

Skars­gård er mikill Íslandsvinur, en hann ferðaðist meðal annars um Vestfirði með ljósmyndaranum Ara Magg árið 2019 og fór með hlutverk í kvikmyndinni The Northman, en það var íslenska skáldið Sjón sem samdi handrit myndarinnar ásamt leikstjóranum Robert Eggers. 

Frétt af mbl.is

Alexander Skarsgård á Vestfjörðum

Frétt af mbl.is

Kom sér í fantaform fyrir mynd Sjóns

Tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn

» Fleiri tengdar fréttir

• Blogga um frétt