Öllu tjaldað til í glæsilegu steypiboði
Setja bókamerki
Tengdar fréttir
Meðganga
Íslandsvinkonan og Love Island-stjarnan Molly-Mae Hauge gaf fylgjendum sínum á samfélagsmiðlinum Instagram innsýn í glæsilegt steypiboð sem hún hélt síðastliðinn sunnudag. Hauge á von á sínu fyrsta barni með kærasta sínum, Tommy Fury, og fagnaði því svo sannarlega með stæl.
Hauge og Fury kynntust í raunveruleikaþáttunum Love Island, en þau höfnuðu í öðru sæti í fimmtu þáttaröð. Í september tilkynnti parið að þau ættu von á sínu fyrsta barni saman.
Ótrúlegar blómaskreytingar
Öllu var tjaldað til í steypiboðinu, en þar voru glæsilegar blómaskreytingar í hverju horni, lifandi tónlist og gómsætar kræsingar. Hauge byrjaði daginn á því að fara í förðun og hárgreiðslu áður en hún mætti í veisluna sem var haldin á veitingastað í Manchester í Englandi.
Þegar gestirnir gengu inn í veislusalinn tóku á móti þeim glæsilegar skreytingar, en þemað var líklega hvítt þar sem allar skreytingar voru hvítar og gestir langflestir í hvítum fatnaði.
Borðin í salnum voru skreytt með ótal hvítum kertum sem sköpuðu afar notalega stemningu. Fallegur matseðill skreyttur skýjum var við hvern stól, en á boðstólum voru japanskir og mexíkóskir réttir.
Þá var einnig boðið upp á ís og franskar makkarónur, en eftirréttavagni hafði verið komið fyrir í salnum.
Gjafir frá Hermès og Chanel
Að steypiboðinu loknu fóru Hauge og Fury heim hlaðin gjöfum, en af myndinni að dæma eru gjafirnar ekki af verri gerðinni og koma meðal annars frá tískuhúsum á borð við Hermès, Chanel og Jo Malone.
Tengdar fréttir
Meðganga
Vélsleðaslys: Þyrlan kölluð út á mesta forgangi
Telur forsendur fyrir vaxtalækkun
Væri að ljúga ef ég segðist ekki stressaður
Sex hafa greinst með listeríu
Banna mengandi búnað sem leyfður er á Íslandi
„Hvílir mikil leynd yfir þessu öllu“