Leikkonan Keke Palmer er ófrísk af sínu fyrsta barni með kærasta sínum, Darius Jackson. Hún tilkynnti gleðifregnirnar í beinni þegar hún var kynnir í gamanþáttunum Saturday Night Live. 

„Það eru sögusagnir í gangi, fólk hefur verið að segja: „Keke er að fara eignast barn, Keke er ófrísk,“ í athugasemdum á samfélagsmiðlum, og ég vil útkljá málið - ég er það,“ hrópaði Palmer á sviðinu og reif upp jakkann sinn til að sýna óléttukúlu sína. 

Frumsýndi kærastann á Instagram

Hingað til hefur Palmer haldið sambandi sínu og Jacksons fjarri sviðsljósinu. Í mars 2020 útskýrði Palmer í viðtali við Harper's Baazar hvers vegna hún kysi að halda ástarlífi sínu fjarri sviðsljósinu.

Leikkonan ákvað þó síðar að opinbera sambatt sitt á Instagram, en hún ræddi það í The Tamron Hall Show í nóvember síðastliðnum. „Það varð bara erfiðara að fela sig. Við eyðum öllum okkar tíma saman og hann er í raun besti vinur minn, svo ég ætla ekki að fela það sem gleður mig svona mikið,“ sagði hún. 

Tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Ragga Hólm og Elma eiga von á barni
• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn

» Fleiri tengdar fréttir

• Blogga um frétt