Hótelerfinginn Paris Hilton undirbýr sig nú undir að stofna fjölskyldu með eiginmanni sínum, Carter Reum, á næsta ári. Hilton hóf glasafrjóvgunarferli í janúar 2021 og fór þá í eggheimtu og segir þau því vera með „egg tilbúin á lager“ fyrir framhaldið. 

Hilton og Reum gengu í það heilaga hinn 11. nóvember 2021 við hátíðlega athöfn, en þau byrjuðu saman í nóvember árið 2019. 

Vildu njóta fyrsta ársins tvö saman

„Við vissum að við vildum stofna fjölskyldu og ákváðum því að hafa egg tilbúin á lager,“ sagði Hilton í samtali við People og bætir við að þau hafi viljað njóta fyrsta ársins sem hjón tvö saman. 

Nýverið fögnuðu þau eins árs brúðkaupsafmæli sínu í sólinni á Maldíveyjum og segir Hilton þau því vera tilbúin að stækka fjölskylduna á næsta ári. 

Frétt af mbl.is

Fagna eins árs brúðkaupsafmæli í sólinni

Langar að eignast tvíbura

Frá upphafi sambands hjónanna hefur Hilton talað opinskátt um barneignir, en í apríl síðastliðnum sagðist hún vonast til að þau myndu eignast tvíbura saman. „Mig langar í strák og stelpu, bara til að fá bæði, en hvað sem er getur gerst. En ég myndi elska það, eða tvíburastelpur því ég elska stelpur,“ sagði Hilton í hlaðvarpinu The Bellas. 

Frétt af mbl.is

Langar til að eignast tvíbura

Tengdar fréttir

Frægar fjölskyldur

Ragga Hólm og Elma eiga von á barni

• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn
• „Getum ekki beðið eftir þér lengur“

» Fleiri tengdar fréttir

• Blogga um frétt