Rúrik gaf eina og hálfa milljón
Setja bókamerki
Knattspyrnumaðurinn Rúrik Gíslason dansaði til sigurs í jólaþættinum Let's dance í Þýskalandi í desember. Rúrik valdi að gefa verðlaunaféð til SOS barnaþorpa og ekki í fyrsta skipti.
Rúrik dansaði með atvinnudansaranum Maliku Dzumaev. „Verðlaunafé í þættinum rann til góðgerðarmála og valdi Rúrik sem fyrr að láta sinn skerf renna til SOS á Íslandi, tíu þúsund evrur,“ segir í frétt á vef SOS Barnaþorpa á Íslandi og er Rúrik og Maliku þakkað innilega fyrir framlagið. Rúrik gaf einnig verðlaunafé í fyrra til SOS Barnaþorpa en þá var upphæðin 2,2 milljónir króna.
„Ég sagði við sjálfan mig að mig langaði miklu frekar að láta gott af mér leiða heldur en að selja einhverjar gallabuxur sem einhver áhrifavaldur,“ sagði Rúrik í viðtali við mbl.is um sjálfboðaliðastarf sitt fyrir SOS barnaþorp á vef mbl.is fyrir ári síðan.
„Það var eins og forsvarsmenn SOS Barnaþorpa á Íslandi hefðu lesið hugsanir hans þar sem fljótlega var haft samband við Rúrik um að leggja málefninu lið. „Ég þurfti ekki að hugsa mig um í meira en hálfa sekúndu og þá var ég búinn að segja já,“ sagði hann.
Hér fyrir neðan má sjá Rúrik dansa í þættinum.
Eyjafjarðarbraut lokað vegna alvarlegs umferðarslyss
Árshátíð ríkislögreglustjóra haldin í Tékklandi
Veiting hvalveiðileyfis ekki brot á EES-samningi
Skiptir miklu meira máli en fólk grunar
„Hvílir mikil leynd yfir þessu öllu“
Handteknir eftir myndatöku í Vesturbæjarlaug
Shakespeare fannst í skókassa
„Skýr skilaboð til Seðlabankans“