Fjórða barnið komið í heiminn
Tengdar fréttir
Frægar fjölskyldur
Leikarahjónin Ryan Reynolds og Blake Lively eru nú orðin fjögurra barna foreldrar. Lively birti mynd af sér án óléttukúlunnar á Instagram í gær og gaf þar með í skyn að barnið væri komið í heiminn.
Fram kemur á vef Page Six að fjórða barnið sé komið í heiminn, en hjónin tilkynntu óléttuna í september síðastliðnum þegar Lively frumsýndi kúluna á hinni árlegu kvennaráðstefnu Forbes.
„Hef verið upptekin“
Lively birti mynd af sér með eiginmanni sínum og móður hans, Tammy Reynolds, þar sem þau nutu þess að horfa á Ofurskálina saman. Á myndinni sést greinilega að leikkonan er ekki ólétt lengur, en við myndina skrifaði hún: „Hef verið upptekin.“ Hamingjuóskir streymdu í kjölfarið inn.
Reynolds og Lively kynntust árið 2010 þegar þau léku í kvikmyndinni Green Lantern og giftu sig í september 2012. Fyrir eiga eiga þau þrjár dætur, hina sjö ára James, fimm ára Inez og tveggja ára Betty. Hjónin hafa ekki enn greint frá kyni fjórða barnsins.
Tengdar fréttir
Frægar fjölskyldur
