Cherry Seaborn, eiginkona breska tónlistarmannsins Ed Sheeran, greindist með æxli þegar hún gekk með dóttur þeirra á síðasta ári. Sheeran segir fréttirnar haft mikil áhrif á hann sem og skyndilegt fráfall vinar hans, Jamal Edwards, sem lést 31 árs að aldri.
Ekki var hægt að hefja meðferð vegna æxlisins á meðan Seaborn gekk með dóttur þeirra að sögn Sheeran sem opnaði sig í handskrifuðu bréfi á Instagram.
Á sama tíma var hann í dómssal á hverjum degi í þrjár vikur þar sem hann hafði verið sakaður um höfundaréttabrot.
Öll þessi áföll breyttu lífi Íslandsvinarins og höfðu áhrif á andlega heilsu hans.
Seaborn fæddi stúlku í maí á síðasta ári en Sheeran hefur ekki sagt frá hvernig heilsufar hennar er eftir fæðinguna og hvort meðferð við æxlinu sé lokið.
Sheeran skrifaði bréfið til aðdáenda sinna í tilefni af útkomu plötu sinnar -, sem er hans sjötta plata.
Eftir áföll síðasta árs settist hann niður og endurskrifaði alla tónlist sem hann hafði þegar samið fyrir plötuna. Hann opinberaði lagalistann í dag, miðvikudag en platan kemur út hinn 5. maí næstkomandi.