Sex ára gamall sonur rapparans Flo Rida liggur alvarlega slasaður á gjörgæsludeild eftir að hafa fallið út um glugga á fimmtu hæð íbúðar í New Jersey í Bandaríkjunum hinn 4. mars síðastliðinn. 

Fyrrverandi kærasta rapparans, Alexis Adams, höfðaði mál vegna slyssins á mánudag. Samkvæmt Page Six kemur fram í málsókninni að sonur Adams og Flo Rida sé með beinbrot í mjaðmagrind og á vinstri fæti, rifna lifur, samfallin lungu og innvortis blæðingar. 

Fæddist með sjaldgæfan taugasjúkdóm

Adams hélt því fram að byggingin hefði verði sett upp með „röngum stærðarhlífðum“ sem hefðu myndað „hættulegt ástand“ sem olli því að sonur hennar og Flo Rida – sem fæddist með sjaldgæfan taugasjúkdóm, féll „á steypta gangstéttina fyrir neðan gluggann.“

„Sem einstæð móðir barns með sérþarfir finnst mér þetta eins og martröð. Hjartað mitt er brotið í milljón bita,“ sagði Adams. „Ég er niðurbrotin, reið og á erfitt með að sætta mig við þá staðreynd að barnið mitt hefur orðið fyrir alvarlegum meiðslum vegna vísvitandi gáleysis leigusala og annarra sem tóku þátt í því að gera ekki nauðsynlegar öryggisráðstafanir.“

Adams fer fram á skaðabætur, þóknun lögfræðings og greiðslu á spítalareikningum.

Flo Rida, sem er þekktastur fyrir lög á borð við Low og Right Round hefur ekki tjáð sig opinberlega um slysið. 

Tengdar fréttir

Stjörnufréttir

Lét halda á sér milli staða til að skíta ekki út skóna

• Sambandi ofurparsins líkt við High School Musical-ævintýri
• Bradley Cooper tárvotur á TikTok
• Neistinn slokknaður eftir sex mánaða stormasamt samband
• Kærir fyrrverandi vinnuveitanda fyrir kynferðislega áreitni

» Fleiri tengdar fréttir

• Blogga um frétt