Leikkonan Sam Frost eignaðist sitt fyrsta barn fyrir rúmum tveimur mánuðum, en hún opnaði sig nýverið um mikla erfiðleika sem hafa fylgt brjóstagjöfinni. 

Frost deildi reynslu sinni af fyrstu tveimur mánuðunum í nýju hlutverki í bloggfærslu, en þar viðurkenndi hún að brjóstagjöfin hafi verið „erfiðasti“ parturinn hingað til. 

„Mér fannst þetta mjög erfitt tilfinningalega, andlega og líkamlega ... Þegar Teddy fæddist tók hann strax brjóst fullkomlega. Ég man að ég horfði á hann og hugsaði hversu mögnuð þessi upplifun er, hversu frumleg og sérstök brjóstagjöf nýburans þíns er,“ skrifaði leikkonan. 

„Ég upplifði svo mikinn sársauka“

„Eftir nokkra daga voru geirvörturnar mínar sprungnar og það blæddi úr þeim. Ég upplifði svo mikinn sársauka. Vinkona mín hafði sagt mér að henni hafi þótt brjóstagjöfin erfiðari en fæðingin – ég fékk utanbastsdeyfingu svo ég er hjartanlega sammála,“ bætti hún við. 

Í færslunni segir Frost að henni hafi verið ráðlagt að þrauka í gegnum brjóstagjöfina sem varð verri með hverri gjöf. „Ég var farin að gráta í hverri brjóstagjöf ... ekki krúttlegum litlum tárum, ég hágrét.“

Hún útskýrði að lokum að með því að nota brjóstapumpu og formúlu hafi mikil pressa verið tekin af henni. 

Tengdar fréttir

Brjóstagjöf

„Eina nóttina opnast gat á brjóstinu á mér“

• „Hjalti reyndi að drífa sig í heiminn í stigaganginum heima“
• Fær sér kaffi með brjóstamjólk unnustunnar
• Virkar stoðmjólk jafn vel og brjóstamjólk?
• „Kokteill“ fyrir mæður með barn á brjósti

» Fleiri tengdar fréttir

Frægar fjölskyldur

Ragga Hólm og Elma eiga von á barni

• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn
• „Getum ekki beðið eftir þér lengur“

» Fleiri tengdar fréttir

• Blogga um frétt