Tennisstjarnan Serena Williams náði að festa viðbrögð fimm ára dóttur sinnar á filmu þegar hún sagði henni að hún væri ófrísk. Hún birti myndskeiðið á YouTube-rás sinni á dögunum.

Williams greindi frá óléttunni á Instagram-reikningi sínum í byrjun maí áður en hún mætti ásamt eiginmanni sínum, Alexis Ohanian, á Met Gala-hátíðina í New York.

Frétt af mbl.is

Annað barn á leiðinni

„Það kom í ljós að ég er ekki að verða feit“

Í myndskeiðinu, sem ber titilinn Olympia's Surprise, byrjaði Serena á því að sýna nærmynd af jákvæðu þungunarprófi og sagðist vera „ofur hamingjusöm“. Hún deildi svo skemmtilegri sögu af Olympiu, en þegar dóttir hennar vissi ekki að hún væri ófrísk kallaði hún hana „feita“ og var stressuð vegna þyngdaraukningar móður sinnar.

Í næstu klippu sat fjölskyldan í sófanum þegar Williams spurði hana: „Manstu hvernig þú hefur verið að biðja fyrir því að eignast litla systur eða bróður?“

„Jæja, við fórum til læknis og það kom í ljós að ég er ekki að verða feit. En ég er með barn í maganum,“ sagði Williams. Viðbrögð Olympiu sprengdu krúttskalann. „Ha, ertu að grínast?“ sagði hún af spenningi. Hún var yfir sig glöð og faðmaði mömmu sína innilega. 

Tengdar fréttir

Meðganga

Ragga Hólm og Elma eiga von á barni

• „Eina nóttina opnast gat á brjóstinu á mér“
• „Getum ekki beðið eftir þér lengur“
• Reykjavíkurdóttir á von á öðru barni
• Sandra Björg og Hilmar eiga von á barni

» Fleiri tengdar fréttir

Frægar fjölskyldur

Sonur Birgittu Lífar á góðri leið að verða heimsflakkari

• Dóttir barnastjörnu fæddist andvana
• Þurftu að tilkynna nafnið extra snemma
• Sonur Berglindar og Kristjáns kominn með nafn
• „Getum ekki beðið eftir þér lengur“

» Fleiri tengdar fréttir

• Blogga um frétt