Fjölnisvegur 8 Reykjavík Tilboð
Borg Fasteignasala
Verð Tilboð
Fasteignamat 153.400.000 kr.
Brunabótamat 89.140.000 kr.
Áhvílandi 0 kr.
Tegund Fjölbýli
Byggingarár 1929
Stærð 330.3 m2
Herbergi 9
Svefnherbergi 4
Stofur 3
Baðherbergi 3
Inngangur Sérinngangur
Nýbygging Nei / Ekki vitað
Bílskúr
Skráð á vef: 23. ágúst 2018
Síðast breytt: 30. ágúst 2018

Borg fasteignasala kynnir glæsilegt einbýlishús á þremur hæðum á eftirsóttum stað í Þingholtunum. Húsið er skráð skv. þjóðskrá samtals 330,3 fermetrar - þar af bílskúr 39,6 fm.  Húsið að utan var múrviðgert og málað árið 2014.

Lýsing eignarinnar:
1.hæð: sem er 100,5 fermetrar að stærð skiptist þannig: Forstofa, með marmaraflísum, fatahengi.
Samliggjandi stofur, parket á gólfum. Gengið úr stofum út í garðinn.
Herbergi eitt, stórt og rúmgott með parketi á gólfi.
Herbergi tvö, gott herbergi, parket á gólfi.
Baðherbergi, marmaraflísar á gólfum og flísar á veggjum. Sturta og gluggi. 
Geymsla, með hillum (kyndiklefi).

Gengið um fallegan parketlagðan stiga upp á 2. hæð hússins úr forstofu, sem er 100,5 fermetrar að stærð og skiptist þannig:
Stórar samliggjandi stofur með parketi á gólfum.
Rúmgóð borðstofa, með innangengi í eldhús.
Eldhús er með sérsmíðaðri hvítri sprautulakkaðri innréttingu. Parket á gólfi og gluggar í tvær áttir.
Búr, við hlið eldhúss með glugga, innréttingu og vegghillum. Marmaraflísar á gólfi.
Gestasnyrting, marmaraflísar á veggjum og á gólfi, með glugga 
Þvottaherbergi er mjög rúmgott með innréttingu og góðum skápum. Flísar á gólfi.

Gengið er um parketlagðan stiga upp á rishæð hússins, sem er skráð 89,7 fermetrar að stærð og skiptist þannig:
Stigapallur er parketlagður og svalir þar út af með fallegu útsýni.
Tvö stór svefnherbergi, parket á gólfum. Möguleiki væri að skipta öðru herbergjanna í tvennt og hefðu þá bæði herbergin inngang af stigapalli.
Baðherbergi, innaf hjónaherbergi, með glugga, innréttingu, sturtuklefa, baðkari og upphengdu salerni. Flísar á gólfi og á veggjum.
Geymsluris er yfir rishæð.

Tvöfaldur bílskúr. Inngangur í fremri skúrinn er um bílskúrshurð í yfirbyggðu bílaporti við hlið hússins. Úr garðinum er gengið inn í aftari skúrinn með gluggum sem snúa inn í garðinn, aftast er geymsla með hurð. Möguleiki væri að gera stúdíóíbúð í innri skúrnum.
Hiti er í innkeyrslu og stéttum, yfirbyggt bílaport. Stór ræktuð lóð sem snýr í suður. Húsið var múrviðgert og málað að utan vorið 2014. Lóðin er 631,9 fermetrar að stærð með trjágróðri.

Allar nánari upplýsingar veita:
Úlfar Þór Davíðsson, löggiltur fasteignasali í síma 897-9030 eða ulfar@fastborg.is

Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,8% af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.000 af hverju skjali. 
3. Lántökugjald lánastofnunar - almennt 0,5 - 1,0% af höfuðstól skuldabréfs. Nánari upplýsingar á t.d. heimasíðu lánastofnana. 
4. Umsýslugjald til fasteignasölu kr. 69.000,-