Vogatunga 87 Mosfellsbæ 64.900.000 kr.
Fasteignasala Mosfellsbæjar
Verð 64.900.000 kr.
Fasteignamat 44.850.000 kr.
Brunabótamat 0 kr.
Áhvílandi 0 kr.
Tegund Par/Raðhús
Byggingarár 2018
Stærð 229.9 m2
Herbergi 5
Svefnherbergi 4
Stofur 2
Baðherbergi 2
Inngangur Sérinngangur
Nýbygging
Bílskúr
Skráð á vef: 4. janúar 2019
Síðast breytt: 1. febrúar 2019

**  Hringdu og bókaðu skoðun  - Sýnum daglega** Laust strax**
Fasteignasala Mosfellsbæjar S: 586-8080 kynnir: 229,9 m2 endaraðhús - tilbúið til innréttinga - í byggingu, við Vogatungu 87 í Mosfellsbæ. Fallegt útsýni.
Um er að ræða mjög fallegt og vel skipulagt raðhús á tveimur hæðum ásamt bílskúr.  Á jarðhæð er forstofa, bílskúr, 3 svefnherbergi, baðherbergi, þvottaherbergi, og geymsla. Á efri hæðinni er hjónaherbergi, baðherbergi, eldhús, stofa og svalir.  LAUS STRAX.

Smelltu hér til að fá sölubækling sendan strax

Birt stærð eignar eru 229,9 m2, þar af er íbúðarhluti 205,4 m2 og sambyggður bílskúr 24,5 m2. Húsið stendur á frábærum stað og sést vel yfir Mosfellsbæ og Reykjavík. 
Eignin er staðsett í nýju fjölskylduvænu hverfi í Mosfellsbænum, í næsta nágrenni við Tungubakka, æfingasvæði knattspyrnudeildar Aftureldingar.
Hinn nýlagði Tunguvegur tengir hverfið við íþróttamiðstöðina að Varmá, Varmárskóla og miðbæ Mosfellsbæjar í innan við 4 mín akstri. 
Stutt í útiveru, gönguleiðir, upplýstan battavöll, körfuboltavöll, laxaveiði, hestamannahverfi Harðar, flugklúbb Mosfellsbæjar osfrv. Sveitasæla og rólegheit í aðeins 15 mín keyrslu frá miðpunkti Reykjavíkur
Verð kr. 64.900.000,- Allar nánari upplýsingar fást hjá Fasteignasölu Mosfellsbæjar í síma 586 8080.
Einnig er hægt að ná í starfsmenn utan vinnutíma Svanþór 698-8555, Sigurður 899-1987, Ingimar 612-2277 og Einar Páll 899-5159

 

 

Skilalýsing er eftirfarandi:
Utanhúss: Tveggja hæða raðhús með innbyggðum bílskúr byggt úr vottuðum forsteyptum einingum frá Esju-Einingum ehf. Útveggir eru klæddir forsteyptri veðurkápu að utanverðu og verð húsin afhent ómáluð. Þak er varið með PVC dúk með malarfargi. 
Á lóðinni er gert ráð fyrir 2 bílastæðum og sorpskýli fyrir 3 sorpílát. Lóð er skilað grófjafnaðri.  Þakrennur, niðurföll og þakkantur frágengin.  Ál/tré gluggar með tvöföldu K-gleri, tré inngangshurðar/svalahurðar og hvít bílskúrshurð. Gluggar og hurðir eru frá Gluggasmiðjunni ehf.

Innanhúss: Eignin skilast tilbúin til innréttinga samkvæmt byggingarstigi 5 ÍST 51:2001. Rafmagnsdósir komnar í útveggi og steypta innveggi. Loft: Sparslað og grunnað. Gólf eru steypt án endanlegrar spörtlunar sé hennar þörf. Innveggir: Uppsettir samkvæmt teikningu, léttir innveggir klæddir með tvöföldu lagi af gifsplötum, sparstlaðir og grunnaðir. Rafmagn: Inntak og rafmagnstafla uppsett og tengd. Aðal- og greinatöflur fullgerðar m.t.t. vinnuljósa og uppsettst rafbúnaðar.  Vinnuljós kominn í húsið en aðrar raflagnir fylgja ekki. Vinnuljós tengd í hverju herbergi. Frágangur neyslu og fráveitulagna er miðaður við samþykktar skipulagsteikningar. Pípulagnir: Inntak hita og neysluvatns klárt. Ofnhitakerfi tengt og frágengið. Neysluvatn lagt í gólf og veggi samkvæmt teikningum. Hita-, rafmagns og vatnslagnir eru lagðar í gólfplötu og steypta innveggi samkvæmt teikningum. Húsið er hitað upp með hefðbundnu ofnakerfi. Hámkarkshiti á heitu vatni er 60°C. Stofninntök neysluvatnslagna tengd og full frágengin. Pípur fyrir raf- og boðlagnir eru miðaðar við samþykktar skipulagsteikningar. Heimtaugar rafmagns og boðtauga skulu tengdar og frágengnar.
Byggingargjöld og gatnagerðargjald eru greidd. Seljandi greiðir heimtaugagjöld fyrir rafmagn og hita, en kaupandi greiðir 0,3% skipulagsgjald sem er innheimt við endanlegt brunabótarmat.  Kaupandi skal fá nýja byggingastjóra og meistara að verkinu við afhendingu og sér um úttektir eftir afhendingu eignar.
Allar byggingarteikningar afhendast samþykktar frá skipulagsnefnd Mosfellsbæjar til kaupanda.  Kaupandi greiðir fyrir allar breytingar á teikningum sem hann kann að óska eftir.

Allar nánari upplýsingar fást hjá Fasteignasölu Mosfellsbæjar í síma 586 8080.
Einnig er hægt að ná í starfsmenn utan vinnutíma Svanþór 698-8555, svanthor@fastmos.is, Sigurður 899-1987, sigurdur@fastmos.is og Ingimar 612-2277, ingimar@fastmos.is.

Fasteignasala Mosfellsbæjar, Þverholti 2, Mosfellbæ.  Opið frá kl. 9-17 alla virka daga

Heimasíða Fasteignasölu Mosfelsbæjar

Fasteignasala Mosfellsbæjar á Facebook


Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Fasteignasala Mosfellsbæjar bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.
 
Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
 
Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
Lántökugjald lánastofnunar. Um lántökugjald vísast í gjaldskrá viðkomandi lánveitanda.
Umsýsluþóknun fasteignasölu skv. gjaldskrá.
Ef um nýbyggingu er að ræða greiðir kaupandi skipulagsgjald, 0,3% af væntanlegu brunabótamati, þegar það er lagt á.