Rauðalækur 37 Reykjavík 58.500.000 kr.
Stakfell fasteignasala
Verð 58.500.000 kr.
Fasteignamat 50.200.000 kr.
Brunabótamat 33.600.000 kr.
Áhvílandi 0 kr.
Tegund Hæðir
Byggingarár 1957
Stærð 121.7 m2
Herbergi 5
Svefnherbergi 4
Stofur 1
Baðherbergi 1
Inngangur Sameiginlegur
Nýbygging Nei / Ekki vitað
Bílskúr Nei / Ekki vitað
Skráð á vef: 10. ágúst 2019
Síðast breytt: 23. ágúst 2019

STAKFELL fasteignasala kynnir í einkasölu: Frábærlega staðsett fimm herbergja 121,7 fermetra sérhæð á baklóð við Rauðalæk með grænt svæði aftan við húsið. Bjartar stofur með gluggum til suðurs og vesturs og stórum svölum. Rúmgott eldhús opið úr holi og stofu, þrjú herbergi og hjónaherbergi. Eitt herbergið er stúkað af frá stofu en auðvelt er að breyta því aftur og stækka stofuna verulega. Mjög áhugaverð eign á fjölskylduvænum stað.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða olafur@stakfell.is sem einnig sýnir eignina.

Aðkoman að húsinu er skemmtileg en húsið stendur á baklóð með aðkeyrslu frá Rauðalæk. Grænt svæði er aftan við húsið þar sem er gott leiksvæði.

Að utan er húsið steinað að mestu en hluti framhliðar er sléttmúraður. Gengið er upp tröppur framan á húsinu að útidyrum, en íbúði deilir inngangi með rishæðinni. Stigagangur er vel um genginn með nýlegu teppi á gólfi.

Komið er inn í rúmgóða og bjarta forstofu með flísum á gólfi. Opið er úr forstofu í hol þaðan sem gengið í öll rými íbúðarinnar. Til hægri úr holi eru tvö rúmgóð herbergi, beint framunan eru eldhús og stofa, og til vinstri er lítill gangur þaðan sem gengið er í baðherbergi, hjónaherbergi og eitt barnaherbergi.

Opið er á milli stofu, eldhúss og hols. Eldhúsið er rúmgott, með nýlegri hvítri innréttingu, steinplötu á borðum og flísum á gólfi. Gashelluborð, bakarofn og háfur eru með stáláferð. Stofa er björt, með stórum gluggum til suðurs og vesturs og útgengi útá skjólgóðar suðursvalir. Viðarflísar eru á svalagólfi.

Á gangi frá holi eru baðherbergi, hjónaherbergi og barnaherbergi. Baðherbergi er flísalalagt með innréttingu og baðkari. Hjónaherbergi er rúmgott með suðurglugga, útgengi útá svalir og stórum upphaflegum fataskáp. Barnaherbergi er mjög rúmgott, en auðvelt er að opna herbergið inní stofuna og stækka hana þannig verulega.

Á stofu, holi og herbergjum er eikarparket, flísar á eldhúsi, forstofu og baði. Ofnalagnir hafa verið endurnýjaðar og eru utanáliggjandi. Frárennsli og dren var að sögn fyrri eiganda endurnýjað 2007 eða þar um bil, og þak var yfirfarið og endurnýjað eftir á milli 1990 og 1998.

Í kjallara er 4,8 fermetra geymsla og sameiginlegt þvottahús.

Sérlega björt og notaleg sérhæð í fjölskylduvænu umhverfi nærri Laugardalnum. Stutt í skóla og íþróttaaðstöðu.

Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.000 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
6. Annar kostnaður við skjalagerð,  t.d. skilyrt veðleyfi, kr: 15.000.- auk vsk hvert skjal.

Stakfell fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Sömuleiðis er bent á upplýsingaskyldu seljanda samanber 26.gr. Laga nr.40/2002 um fasteignakaup og 25.gr. laga nr.26/1994 um fjöleignarhús. Kaupanda er bent á að nýta sér þjónustu fagmanna við skoðun fasteigna.

Fasteignasalan Stakfell | Borgartún 30 | 105 Reykjavík | Sími 535 1000 | www.stakfell.is