Bogahlíð 14 Reykjavík 47.900.000 kr.
Domusnova fasteignasala
Verð 47.900.000 kr.
Fasteignamat 42.050.000 kr.
Brunabótamat 28.700.000 kr.
Áhvílandi 0 kr.
Tegund Fjölbýli
Byggingarár 1958
Stærð 97.8 m2
Herbergi 4
Svefnherbergi 3
Stofur 1
Baðherbergi 1
Inngangur Sameiginlegur
Nýbygging Nei / Ekki vitað
Bílskúr Nei / Ekki vitað
Skráð á vef: 16. ágúst 2019
Síðast breytt: 22. ágúst 2019

EIGNIN ER SELD OG ER Í FJÁRMÖGNUNARFERLI

Domusnova fasteignasala og Árni Helgason löggiltur fasteignasali hafa fengið í einkasölu mjög góða, 3ja til 4ra herbergja íbúð í Hlíðunum.  Íbúðin, sem er í Bogahlíð 14 á 2. hæð, hefur verið endurnýjuð að hluta á smekklegan hátt en fallegar gamlar innréttingar fengið að halda sér að hluta t.d. í eldhúsi. Nýleg gólfefni eru á nánast allri íbúðinni. Hægt er að útbúa þriðja svefnherbergið í hluta stofunnar. Skipt var um allar raflagnir í íbúðinni árið 2017 af fagmanni. Í kjallara er 15 fm herbergi sem fylgir íbúðinni og er í útleigu.
Stutt er í alla þjónustu og eru leikskólar, grunnskóli og framhaldsskólar skammt frá ásamt Háskólanum í Reykjavík og Háskóla Íslands. Stutt er í þjónustu verslana og greiðfært út úr bænum og niður í bæ. Einnig er skammt í útivistarsvæði við Öskjuhlíð og á Klambratúni. Sameign er vel um gengin og eru þar geymslur og þvottahús. Húsið er nýlega viðgert að utan og lítur mjög vel út. Sérmerkt bílastæði fylgir íbúðinni.


Komið er inn í íbúðina inná gang með skápum, til vinstri er gengið inní eldhúsið og er stofan innar á ganginum til vinstri. Beint á mótin innganginum er baðherbergið og herbergin eru til hægri, norðan megin í íbúðinni. Nýlegt harðparket er á öllum gólfum nema baðherbergi, þar eru flísar.

Nánari lýsing:
Stofa er stór og er með nýlegu harðparketi og er útgengt á svalir sem snúa til suðurs. Í stofunni væri hægt að útbúa þriðja svefnherbergið.
Eldhúsið er með harðparketi á gólfi og nýlegum tækjum og borðplötu en fallegar gamlar innréttingar hafa fengið að halda sér að hluta. Tengt er fyrir þvottavél og þurrkara í eldhúsi ásamt uppþvottavél. Nýjar vatnslagnir lagðar að þvottavél og uppþvottavél. 
Baðherbergi er með sturtu og er flísalagt í hólf og gólf.
Hjónaherbergið er rúmgott með góðu skápaplássi, harðparket er á gólfi.
Barnaherbergið er rúmgott með litlum skápum upp við loft.
Gangurinn er með harðparketi og ágætum skápum.
Í sameign er um 15 fm herbergi  með aðgang að sameiginlegri sturtu og salerni og er hægt að leigja það út. Ennfremur er í sameign sameiginlegt þvottahús með sameiginlegum vélum, tvær litlar sérgeymslur sem tilheyra íbúðinni og sameiginleg hjólageymsla og dekkjageymsla.  Vel er gengið um sameignina og lítur hún vel út.

Bogahlíð 12-18 er þriggja hæða, fjögurra stigahúsa fjölbýlishús með kjallara. Í kjallaranum eru í séreign geymslur íbúðanna en allt annað rými er í sameign alls hússins, þvottahús, dekkjageymsla, hjóla/vagnageymslur, sorpgeymslur, tvær geymslur og allir gangar og stigahús. Á hverri hæð í öllum stigahúsunum eru tvær íbúðir, samtals eru því 24 íbúðir í húsinu. Lóðin er í sameign.

Vegna mikillar sölu vantar eignir á skrá, smellið hér til að fá söluverðmat á eignina ykkar, það kostar ekkert.

Nánari upplýsingar veita:
Skrifstofa / s.527-1717 / eignir@domusnova.is
Árni Helgason löggiltur fasteignasali / s.663 4290 / arni@domusnova.is

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
  1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
  2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
  3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
  4. Umsýsluþóknun fasteignasölu skv. gjaldskrá.
  5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.