Uppsalir Miðfirði Hvammstanga 75.000.000 kr.
Fasteignamiðstöðin
Verð 75.000.000 kr.
Fasteignamat 28.393.000 kr.
Brunabótamat 113.300.000 kr.
Áhvílandi 0 kr.
Tegund Jörð/Lóð
Byggingarár None
Stærð 1011.0 m2
Herbergi 0
Svefnherbergi Óuppgefið
Stofur Óuppgefið
Baðherbergi Óuppgefið
Inngangur Ekki vitað
Nýbygging Nei / Ekki vitað
Bílskúr Nei / Ekki vitað
Skráð á vef: 10. september 2019
Síðast breytt: 11. september 2019

Fasteignamiðstöðin Hlíðasmára 17, 201 Kópavogi sími 550 3000 er með til sölu jörðina Uppsali í Miðfirði Húnaþingi vestra landnúmer 144094 póstnúmer 531 Hvamstangi.

Á jörðinni er rekið myndarlegt fjárbú, framleiðsluréttur í sauðfé er 397,5 ærgildi. Jörðin er um 1100 hektarar þar af tún u.þ.b. 30 hektarar í ágætri rækt.  
Jörðin á land að Miðfjarðará ásamt tilheyrandi hlutdeild í veiðifélagi. Á jörðinni er hitaveita sem komin er heim að húsvegg íbúðarhúss en ekki búið að tengja við lagnir hússins.
Búið er að tengja ljósleiðara inn í bæ og þar er því gott netsamband. Bærinn stendur hátt og þaðan er frábært útsýni bæði út og inn dalinn. Smávötn a.m.k. tvö, eru á jörðinni sem í mætti sleppa í fiski ef áhugi væri fyrir því.
Einnig er á jörðinni  malargrús sem nýtist vel til eigin nota.
Byggingar eru sem hér segir:
Íbúðarhús steinsteypt, ein hæð með risi byggt 1961, stærð 112 m2  sem skiptist í fjögur herbergi, eitt  baðherbergi, stofu, forstofu, eldhús, hol, búr og þvottahús. Íbúðarhúsið er að mestu upprunalegt og því kominn tími á allnokkrar endurbætur s.s. á lagnakerfum, gluggum, innréttingum o.fl. Húsið er þó vel íbúðarhæft og því mögulegt að taka endurbæturnar skref fyrir skref eða búa í húsinu á meðan nýtt er byggt og nota svo gamla fyrir ferðaþjónustu.  Byggingin þarfnast nokkurs viðhalds að utan í formi lítilsháttar steypuviðgerða og svo málunar eða í formi utanhúsklæðningar.
Véla/verkfærageymsla steinsteypt byggð 1974, stærð 70 m2  og er þetta er gott vinnurými.  Staðsetning þess býður uppá að tiltölulega auðvelt væri að leggja þangað hitaveitulögn.  Ástand er ágætt en byggingin þarfnast málunar að utan.
Fjárhús steinsteypt með áburðarkjallara byggt 1968, stærð 399,6 m2:  Garðafjárhús með trérimla- og fjárhúsmottugólfi og sem rúmar ríflega 400 fjár.  Í húsinu er sjálfbrynning. Auðvelt væri að breyta húsinu til að koma fyrir gjafagrindum. Ástand er ágætt en en byggingin þarfnast málunar að utan.
Hlaða steinsteypt áföst fjárhúsi byggð 1970, stærð 200,9 m2 byggð sem þurrheyshlaða með súgþurrkun en notuð í dag fyrir rúllur, sem aðstaða til heygjafar og fyrir sauðfé á sauðburðartíma.  Gólfið er að hluta steypt og að hluta malargólf þar sem fyllt hefur verið upp í súgþurrkunarrásirnar.  Vélgengt er um hlöðudyr. Ástand er ágætt en byggingin þarfnast málunar að utan. Við hlöðuna stendur jafnframt um 8m2 steinsteyptur súgþurrkunarskúr, sem ekki er inni í fermetratölu.  Skúrinn getur nýst sem geymsla.
Geymsla við fjárhús byggð 1976, stærð 96 m2.  Geymslan er bárujárnsklædd timburgrind með steyptu gólfi.  Hefur undanfarið aðallega verið nýtt sem viðbótarhúsnæði fyrir sauðfé s.s. um sauðburð.  Býður upp á fjölbreytta nýtingarmöguleika en því væri t.d. auðveldlega hægt að breyta í hesthús.   Ástand er ágætt en komið að málun.
Gamalt fjós og hlaða byggt 1940, stærð samtals 132,5 m2 Húsið er heilt sem slíkt en er barn síns tíma og orðið lúið.  Var síðast notað fyrir  lausagönguhænur fyrir nokkrum árum en hefur annars að mestu staðið autt.  Býður upp á fjölbreytta nýtingarmöguleika ef lappað er væri uppá það. Staðsetning býður uppá að hægt væri að leggja að því hitaveitulögn með auðveldum hætti.
Veiðihlunnindi:
Eins og áður segir eru Uppsalir  aðili að veiðifélagi Miðfjarðarár.  Laxveiðihlunnindi Uppsala vegna árinnar eru u.þ.b. 900.000 á ári.
Veiðifélag Arnarvatnsheiðar og Tvídægru en Uppsalir eru einnig aðili að því veiðifélagi. Félagið greiðir ekki út arð en ágóði af sölu veiðileyfa fer í viðhald skála, vega o.s.frv. á afrétti Miðfirðinga eða er nýttur á annan hátt sveitinni til góðs.  Aðilar í veiðifélaginu geta eftir atvikum fengið leyfi til að veiða sjálfir í vötnum á heiðinni - þá skv. nánara samkomulagi og í samráði við formann veiðifélagsins.
Afréttur / upprekstrarréttur:  Uppsalir eru með upprekstrarrétt á Arnarvatnsheiði sem er grösugt og gjöfult upprekstrarland. Réttað er í Miðfjarðarrétt.
Annað um Miðfjörð: Miðfjörður er blómleg sveit, ábúendur eru á langflestum bæjunum og ekkert bendir til að bæir þar séu að leggjast í eyði.  Töluvert er um að yngri bændur hafi tekið við búum þar undanfarin ár og lauslega áætlað er sennilega um helmingur bænda í sveitinni undir fimmtugu.
Næsti þéttbýlisstaður er Hvammstangi sem er í u.þ.b. 20 km. fjarlægð frá Uppsölum. Þar er alla helstu þjónustu að finna s.s. skóla, leikskóla, tónlistarskóla, sundlaug, matvöruverslun,  búvöruverslun, vínbúð, banka, pósthús, heilsugæslu, dýralækni, sláturhús, verkstæði og margt fleira.  U.þ.b. 200 km eru frá Uppsölum til Reykjavíkur (2,5 klst akstur) og nánast jafn langt til Akureyrar.
Ágætur vélakostur. Listi yfir vélakost er fyrirliggjandi á skrifstofu Fasteignamiðstöðvarinnar. Í sveitinni er einnig rekið félag sem á í sameign nokkur tæki s.s. skítadreifara, haugsugu, tæki til jarðvinnslu o.fl. sem bændur geta pantað aðgang að og greiða sanngjarnt leiguverð fyrir.  Á flestum bæjunum er sá háttur hafður á að rúllun og pökkun er aðkeypt þjónusta og þrír aðilar á svæðinu hafa síðustu ár boðið uppá þá þjónustu að rúlla og pakka fyrir aðra. 
Áhugaverð jörð sem vert er að skoða.
 
Tilvísunarnúmer  10-2434

Nánari upplýsingar á skrifstofu Fasteignamiðstöðvarinnar sími 550 3000
Sjá einnig:  fasteignamidstodin.is fasteignir.is/mbl.is/fasteignir/ fasteignamidstodin@fasteignamidstodin.is

Magnús Leópoldsson lögg. fasteignasali  gsm 892 6000 magnus@fasteignamidstodin.is         
Sjöfn Ólafsdóttir lögg. fasteignasali sími 550 3000 sjofn@fasteignamidstodin.is