Sæbraut 1 Seltjarnarnesi Tilboð
Borg Fasteignasala
Verð Tilboð
Fasteignamat 178.500.000 kr.
Brunabótamat 129.630.000 kr.
Áhvílandi 0 kr.
Tegund Einbýli
Byggingarár 1969
Stærð 442.7 m2
Herbergi 7
Svefnherbergi 5
Stofur 2
Baðherbergi 3
Inngangur Margir inngangar
Nýbygging Nei / Ekki vitað
Bílskúr
Skráð á vef: 19. nóvember 2019
Síðast breytt: 5. desember 2019

Borg fasteignasala kynnir : Sæbraut 1, 170 Seltjarnarnes, Kjarvals húsið. Hér er um að ræða einstakt einbýlishús sem stendur á sjávarlóð með stórbrotnu útsýni. Húsið er samtals 442.7 m2 að stærð, og skartar fimm svefnherbergjum, tveimur stórum stofum, eldhúsi,  þremur baðherbergjum, þvottahúsi og bílskúr. Hér er á ferðinni tækifæri til að eignast sögufræga fasteign sem á sér enga líka hér á landi.
Nánar um eignina:
Húsið er einbýlishús á tveimur hæðum, þ.e. kjallari og hæð með tveimur pöllum á hvorri hæð. Húsið var teiknað af Þorvaldi S. Þorvaldssyni og er byggt árið 1969, ætlað sem gjöf íslensku þjóðarinnar til Jóhannesar S. Kjarval fyrir ævistarf hans og framlag til menningararfs þjóðarinnar. Húsið skartar meðal annars stofu með 5 metra lofthæð og stórum gluggum með stórbrotnu útsýni.
Skipulag hússins er eftirfarandi:
Efri hæð:
Efri pallur: Komið er inn í anddyri með flísum á gólfi. Eldhús með flísum á gólfi, vönduð innrétting með eyju, arin og stór borðkrókur. Rúmgóð setustofa, gestasalerni með stórri flísalagðri sturtu, handlaug og salerni. Opið er milli rýmis á efri palli út í stofu.
Neðri pallur: Stofa sem er 110m2 að stærð, parket á gólfi. Lofthæð stofunnar er 5 metrar, stórir gluggar með mögnuðu útsýni, loftgluggar sem gefa rýminu einstaka birtu. Frá stofunni er gengið út á  stórarsteyptar svalir, frá þeim liggur steyptur stigi sem liggur niður í garð hússins. Stofan var ætluð sem vinnustofa listamannsins og ber hönnun hennar þess skýr merki.
Neðri hæð:  
Efri pallur: Stórt baðherbergi með sturtu og baðkari, flísar á gólfi og vegg í sturtu, handklæðaofn. Lítið gesta baðherbergi með salerni og handlaug. Tvö svefnherbergi með teppum á gólfi. Útgengi í garð hússins, Þvotthús með innréttingu og vaski.
Neðri pallur: Stórt svefnherbergi með parket á gólfi, útgengi í garð hússins. Stórt svefnherbergi með stórum gluggum, útgengi út í garð. Vinnustofa með parket á gólfi, útgengi í garð. 
Annað: Lóð hússins er 880 m2 eignarlóð. Bílskúr 28,2 m2  stendur til hliðar við húsið, skráð byggingarár hans er 1992. Til suðurs við húsið er hlaðin grjótbryggja frá upphafi tuttugustu aldar. Hlaðinn grjótkantur afmarkar garðinn frá fjöru og nýleg mön húsið til suðurs við lóðarmörk. Húsið fékk sérstaka umhverfisviðurkenningu frá Seltjarnarnesbæ árið 2014. 
 
Nánari upplýsingar veitir Böðvar Sigurbjörnsson lgf., M.L í síma 660-4777 eða bodvar@fastborg.is

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi - 0,8% af heildarfasteignamati. 
2. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.000 af hverju skjali.
3. Lántökugjald lánastofnunar - almennt 0,5 - 1,0% af höfuðstól skuldabréfs. Nánari upplýsingar á t.d. heimasíðu lánastofnana. 
4. Umsýslugjald til fasteignasölu kr. 69.000,-