Bæjarlind 5 - 1001 Kópavogi 77.900.000 kr.
Domusnova fasteignasala
Verð 77.900.000 kr.
Fasteignamat 54.850.000 kr.
Brunabótamat 63.810.000 kr.
Áhvílandi 0 kr.
Tegund Fjölbýli
Byggingarár 2019
Stærð 136.0 m2
Herbergi 4
Svefnherbergi 3
Stofur 1
Baðherbergi 1
Inngangur Sameiginlegur
Nýbygging Nei / Ekki vitað
Bílskúr
Skráð á vef: 16. september 2020
Síðast breytt: 16. september 2020

Domusnova fasteignasala kynnir nýja og glæsilega 4 herbegja útsýnisíbúð með sérþvottahúsi og stórum lokuðum svölum.
Stórir gluggar, með flottu útsýni, til suðurs og norðurs úr skemmtilegu alrými sem samanstendur af eldhúsi, stofu og borðstofu.

Íbúð 1001 er á 10. (næst efstu) hæð og skiptist í: anddyri, gang, eldhús, stofu, borðstofu, 3 svefnherbergi, baðherbergi, þvottahús, geymslu og bílastæði.
Sráð skv. FMR 136 fm og þar af er geymslan 6,9 fm.
Svalirnar snúa til suðurs og eru 8,8 fm. en eru ekki inni í skráðum fermetrum. 


Afhending við kaupsamning,

Fjölbýlishúsið að Bæjarlind 5 er staðsett nyrst í nýju hverfi til móts við Smáralind sem kallað er Glaðheimar.
Bæjarlind 5 fékk verðlaun frá Kópavogsbæ einmitt fyrir hönnun en við hönnun á húsinu var haft að leiðarljósi að viðhald utanhúss yrði eins lítið og mögulegt er. Eingöngu er notast við fyrsta flokks efni bæði innan- sem og utandyra.


Í kjallara hússins er sameiginleg upphituð bílageymsla og rafmagnstengill við hvert stæði.
Öllum íbúðum fylgja innbyggð tæki í eldhúsi: ísskápur, uppþvottavél, spanhelluborð og ofn. 
Svalalokanir á öllum íbúðum undanskildum íbúðum á 1. hæð en þær eru með hellulagðan sérafnotarreit.


Góð geymsla sem og hjóalgeymsla í sameign.

Allar nánari upplýsingar og bóka tíma í skoðun gefa:
Hrafnkell P. H. Pálmason lögg. fasteignasali / s.690 8236 / hrafnkell@domusnova.is
Ólafur Sævarsson lögg.fasteignasali / s.820-0303 / olafur@domusnova.is
Björgvin Þór Rúnarsson löggiltur fasteignasali, s.8551544 / bjorgvin@domusnova.is


Almennt
Bæjarlind 5
Húsið er 12 hæða lyftuhús með 45 íbúðum. með bílastæðum fyrir 37 bifreiðar, eitt stæði fylgir hverri íbúð að undanskyldum
tveggja herbergja íbúðunum. Í kjallara eru einnig geymslur fyrir íbúðir ásamt sorpgeymslu. Á fyrstu
íbúðarhæðinni eru þrjár tveggja herbergja íbúðir ásamt reiðhjóla-, vagnageymslu. Léttir innveggir íbúða og geymslna eru hlaðnir.

Byggingaraðili
Byggingarfélagið Bestla er framkvæmdaraðili fyrir hönd FS Glaðheima að Bæjarlind 5 í Kópavogi. Starfsmenn Bestlu búa að áratuga reynslu og þekkingu úr byggingariðnaði á Íslandi. Bestla hefur byggt og selt tæplega 100 eignir bæði í fjölbýli og sérbýli síðastliðin 5 ár.

Hönnun
Aðalhönnuður er Hornsteinar arkitektar ehf, sem hlotið hefur fjölmörg hönnunarverðlaun fyrir framúrskarandi hönnun. Mikið var lagt upp úr því við hönnun hússins að það yrði sem glæsilegast.

Svalalokanir: Allar íbúðir að undanskildum íbúðum á 1. hæð verða með svalalokunum úr gleri. Er þetta gert svo að notagildi svalanna verði meira og þær nothæfar við íslenskar aðstæður allan ársins hring.
Gluggar / svalahurðir: Norðurhlið og hluti vestur- og austurhliðar verða með hljóðdempandi gleri.

Lóð: Tvö bílaplön tilheyra húsinu og eru staðsett við norður- og suðurhlið hússins. Sérafnota reitur fylgir íbúðum á fyrstu hæð sem verður hellulagður. Frágangur lóðar verður samkvæmt teikningum landslagsarkitekts (Landslag ehf.).

Frágangur innandyra
Íbúðum verður skilað fullbúnum án gólfefna en gólf verða þunnflotuð að undanskildum votrýmum (baðherbergi og þvottahús) sem verða flísalögð. Öllum íbúðum fylgja innbyggð tæki í eldhúsi: ísskápur, uppþvottavél, spanhelluborð, ofn og örbylgjuofn að undanskildum tveggja herbergja íbúðunum, þeim fylgir ekki örbylgjuofn.

Loft: lofthæð íbúða 2,65 metrar. Íbúðir efstu hæðar verða með aukinni lofthæð, 2,8 metrar.

Eldhús: Innréttingar í eldhúsi verða vandaðar, sprautulakkaðar hvítar með fræstum höldum og mjúklokun á skúffum. Efri skápar í eldhúsum verða með hnotuáferð að undanskildum tveggja herbergja íbúðunum, þar verða þeir sprautulakkaðir hvítir. Borðplata verður grá/brún að lit.

Eldhústæki: Eldhús skilast með spanhelluborði, ofni með innbyggðum kjöthitamæli, innbyggðum ísskáp, innbyggðri uppþvottavél, innbyggðum örbylgjuofni og vönduðum gufugleypi á vegg og/eða lofthengdum eyfjuháf. (ATH: örbylgjuofn fylgir ekki tveggja herbergja íbúðum). Hreinlætistæki verða af vandaðri gerð, blöndunartæki verða hitastýrð einnar handar tæki.

Baðherbergi: Baðherbergisgólfin verða flísalögð með Pro Matrix Grey 60x60 cm flísum. Hluti veggja er flísalagður upp í loft með sömu flísum og er á gólfum. Baðkar verður í hluta af 4ra herbergja íbúðum. Gólf sturtuklefa verða flísalögð með ílangri niðurfallsrist og sturtugleri. Salerni verða vegghengd með innbyggðum vatnskassa.

Svefnherbergi: Fataskápar verða í svefnherbergjum, þeir verða sprautulakkaðir hvítir með vönduðum höldum. Hluti 4ra herbergja íbúða verður með fataherbergi.

Forstofa: Fataskápar verða í forstofu skv. teikningu, þeir verða sprautulakkaðir hvítir með vönduðum höldum. Gólf verða flísalögð.

Þvottahús: Undirskápar fyrir þvottavél og þurrkara verða í þvottarýmum nema í íbúðum 201 og 301 þar er gert ráð fyrir að þvottavél standi á gólfi og vaskaskápur þar við hliðin á.

Tegundalisti innviða: Flísar: Álfaborg. Málning: Flugger. Innihurðar: Parki. Innréttingar og fataskápar: Parki. Blöndunartæki: Grohe BYKÓ. Eldhústæki: AEG – Bræðurnir Ormsson.

Sameign: Anddyri verður flísalagt en stigagangar teppalagðir. Hljóðdempandi loft með innbyggðri lýsingu verða á stigagöngum. Tvær lyftur verða í húsinu. Lyftur verða vandaðar frá Kone.

Raflagnir: Innbyggð lýsing verður að hluta til í íbúðum og skilast fullfrágengin. Önnur skildulýsing verður uppsett. Það er í eldhúsi, baðherbergi og þvottahúsi.

Bílageymsla: Samtals verða 37 stæði í bílageymslu og sjö bílskúrar/tækjageymslur. Rafmagnstengill verður uppsettur með 16 ampera öryggi við hvert stæði. Eitt stæði fylgir öllum íbúðum að undanskyldum tveggja herbergja íbúðum sem eiga ekki stæði í kjallara. Bílageymsla verður upphituð.

Kaupandi greiðir skipulagsgjald þegar endanlegt brunabótamat er komið á eignina.

Um skoðunar- og aðgæsluskyldu:
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. DOMUSNOVA fasteignasala bendir væntanlegum kaupendum á að kynna sér vel ástand fasteigna við skoðun og fyrir tilboðsgerð og ef þurfa þykir að leita til sérfræðinga um nánari ástandsskoðun.

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
  1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
  2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
  3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
  4. Umsýsluþóknun fasteignasölu skv. gjaldskrá.
  5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á.