Flugfélagið Thomas Cook býður upp á svefnröð í lengri flugum þar sem heilli sætaröð er breytt í rúm. Hversu notalegt er að geta teygt úr sér, sofnað eða legið og horft á bíómynd í einrúmi? Eins og gefur að skilja er sætaröðin töluvert dýrari en stakt sæti en að sama skapi ódýrari en viðskiptafarrými.
Að sögn Henry Sunley, markaðs- og auglýsingastjóra flugfélagsins, er félagið sífellt að leita að nýjum tækifærum sem farþegar njóta góðs af og hann sé mjög stoltur af þessari nýjung.