Head Horizon FMR-speglagleraugu
Allir vita að hjálminn má ekki vanta í skíðabrekkunum. En rétt eins og það þarf að verja kollinn verður líka að verja augun. Góð skíða- og snjóbrettagleraugu eins og þessi frá Head koma í góðar þarfir þegar sólin endurkastast frá skjannahvítum snjónum og tryggja að unglingurinn sér vel í allar áttir.

Head Horizon FMR með blá/grænu gleri kosta 17.995 kr. hjá Everest.

Head-snjóbrettapakki

Varla er hægt að finna þann ungling sem ekki langar í töffaralegt snjóbretti. Bæði er gaman að bruna niður brekkurnar og fíflast með vinunum – jafnvel æfa nokkur stökk og kúnstir og setja síðan á YouTube. En snjóbrettið getur líka verið n.k. stofustáss í svefnherbergi unglingsins og er oft stillt upp á áberandi stað yfir snjólausu mánuðina.

Everest selur þennan brettapakka sem inniheldur Defiance Youth-bretti, Scout Pro Boa-brettaskó, og NX One-bindingu á 67.188 kr. með 20% pakkafslætti.

Mammut-svefnpoki

Leitun er að gagnlegri fermingargjöf en svefnpoka. Upp úr fermingu má reikna með alls kyns skólaferðalögum þar sem svefnpokinn kemur í góðar þarfir, og bráðum á unglingurinn eftir að vilja taka stefnuna á tónlistarhátíð úti á landi.

Mammut Nordic OTI er ágætis valkostur enda fjölhæfur þriggja árstíða svefnpoki. Hann kostar 13.995 kr. hjá Everest.

Duggarapeysa

Útilegufólk þarf hlýjan fatnað. Ellingsen duggarapeysan er íslensk framleiðsla gerð úr mjúkri merínó-ull, bæði kjörin til útivistar en hittir líka í mark hjá unglingnum sem vill tolla í tískunni enda þykja Ellingsen duggarapeysurnar hér um bil tímalaus klassík.

Duggarapeysan kostar 25.995 kr. hjá Ellingsen.

Taska frá North Face

Óhætt er að kalla töskurnar frá North Face fjölhæfar. Hægt er að halda á þeim eins og poka eða setja yfir axlirnar eins og bakpoka. Eins eru þær sterkbyggðar og verja innihaldið gegn veðri og vindum. M-stærðin er hentug fyrir bæði þriggja og fjögurra daga útilegur og líka sem taska undir íþróttafatnað og nesti yfir skólamánuðina.

North Face Duffel M kostar 19.995 kr. hjá Ellingsen.

Coleman Kobuk Valley-tjald

Vandað tjald á eftir að gleðja unglinginn. Loksins getur hann fengið smá næði í útilegum með fjölskyldunni, og farið að undirbúa landkönnunarleiðangra með vinunum. Ágætis kostur er Coleman Kobuk Valley 2-tjaldið sem rúmar tvo og er einfalt í uppsetningu.

Ellingsen selur þetta tjald á 18.995 kr.

Silva-áttaviti

Leitun er að sígildari útivistargjöf en vönduðum áttavita. Er ágætt að unglingurinn læri það að ekki er alltaf hægt að treysta á að Google Maps vísi leiðina heim, en sá sem er með áttavita við höndina – og kann að nota hann – á eftir að komast þangað sem hann ætlar sér.

Silva-áttavitinn kostar 12.990 kr. hjá Útilífi.