BDSM hótel að hætti Hatara

Herbergin eru dulúðleg og spennandi.
Herbergin eru dulúðleg og spennandi. Ljósmynd/The Crazy Bear Hotel

Fatnaður sem áður var  læstur ofan í skúffum á sumum heimilum er orðinn eftirsóknarverður hjá leikskólabörnum. Það er því ekki úr vegi að stíga næsta skref og bóka BDSM-herbergi fyrir næstu rómantísku helgarferð. Ferðavefurinn hefur tekið saman nokkra valkosti

The Crazy Bear Hotel, Bretland

Dökkar innréttingar og gylltar skreytingar setja svip á þetta dulúðlega hótel sem staðsett er í klukkutíma fjarlægð frá London í eldgömlu húsi frá 16.öld. Flest herbergi erum með gylltu baðkari við rúmstokkinn og gaddaskreyttum veggjum.

Hotel Amour, París

Eins og nafnið gefur til kynna er ástin í aðalhlutverki á þessu hóteli.Húsbúnaður og hönnunin á hótelinu er öll til þess gerð að örva skilningarvitin og búa til afslappað andrúmsloft. Hótelið er staðsett í 9.hverfi Parísar sem er nálægt búðum sem bjóða upp á ýmiskonar BDSM-búnað og því ekki úr vegi að grípa nýtt dót í safnið.

Innanhússmunirnir á hótelinu eru allir til þess gerðir að örva …
Innanhússmunirnir á hótelinu eru allir til þess gerðir að örva skilningarvitin. Ljósmynd/Hotel Amour

Stay and Play, Los Angeles

Þessi íbúð er fyrir lengra komna en hún er meðal annars búin einskonar svefnbúrum og ýmiskonar leiktækjum ætluðum til BDSM ástundunar.

Leiktækin eru víða að finna í íbúðinni.
Leiktækin eru víða að finna í íbúðinni. Ljósmynd/Stay and Play

BXG Suite at Sanctum, SoHo, London 

Það færist í aukana að hótel láti sérhanna svítur með ákveðnu þema líkt og BDSM-svítan á Sanctum hótelinu í London. Hægt er að panta upp á herbergið gjafaöskju með sérvöldum leikföngum að hætti 50 Shades Of Grey.

Sérhönnuð BDSM-svíta á Sanctum Hótelinu í London.
Sérhönnuð BDSM-svíta á Sanctum Hótelinu í London. Ljósmynd/Sanctum Hotel

Cherry Twins, Kiev

Hótelið býður upp á sjö svítur sem allar eru hannaðar í samstarfi við kynfræðing. Gestum er boðið að velja á milli herbergja með mismunandi þemu svo sem kennslu- og læknisstofu. 

Svíturnar sjö eru allar með mismunandi þema.
Svíturnar sjö eru allar með mismunandi þema. Ljósmynd/Cherry Twins
mbl.is
Fleira áhugavert
Fleira áhugavert