Hún ætlar að byrja á því að vera kynnir á stóra sviðinu á hinu litríka The Color Run Iceland sem haldið verður 1. júní. Júlí ætlar hún að nota til að slaka á og slökkva á símanum. „Ég ætla að yfirgefa skerið með fjölskylduna í eftirdragi og heimsækja ættingja og vini í Slóveníu og Króatíu. Þar ætla ég að flatmaga með einn ískaffi á ströndinni og horfa á börnin brussast í sjónum,“ segir Eva Ruza og bætir við að einnig ætli hún að leggja mikinn metnað í bikinífar og upplitað hár. „Ég mun samt að sjálfsögðu nota sólarvörn númer 30 mamma, engar áhyggjur.“
Að fríinu loknu ætlar Eva eitthvað að tæta um landið og skemmta á hinum ýmsu viðburðum. „Ég enda svo sumarið, þann 31. ágúst, klædd í fagran glimmerkjól og kynna á Miss Universe Iceland keppninni. Ég geri ráð fyrir því að þetta verði besta sumar lífsins...eins og öll fyrri sumur.“
Þess á milli má búast við að okkar nái að slaka á, eða hvað? „Omg hvernig get ég gleymt! Ég er líka að fara til London í júní með mömmu og systrum mínum á Spice Girls. Það verður epic ferð get ég sagt þér!“
Fylgjast má með Evu Ruzu á vefsíðu hennar en þar liggur hún á glugganum hjá fræga fólkinu og segir okkur allar nýjustu fréttirnar.
Einnig er hún á Instagram undir nafninu evaruza og svo auðvitað á Snapchat undir sama dulnefni.