Er enn að dásama Íslandsferðina

Grínleikkonan Rebel Wilson getur ekki hætt að lofsyngja ferð sína til Íslands í fyrra. Í viðtali við leikkonuna sem birtist nýlega á vef Travel and Leisure gefur hún í skyn að ekkert jafnist á við Ísland og Bláalónshótelið. 

Pitch Perfect-stjarnan ferðast mikið og var spurð út í hin ýmsu ferðaráð í greininni. Þegar hún var spurð hvort einhver ferð væri á óskalistanum gat hún ekki svarað öðruvísi en að lýsa Íslandsferðinni sem hún fór í í fyrra. 

„Ég fór til Íslands á síðasta ári og átti þar ótrúlegan tíma. Það er nýtt fimm stjörnu lúxushótel í Bláa lóninu (það er eina fimm stjörnu hótelið á Íslandi). Það er geðveikt,“ sagði stjarnan. 

Frétt af mbl.is

Wilson lofsamar nýtt hótel á Íslandi

Þegar hún var búin að lýsa Íslandsferðinni fór hún loks að lýsa ferð sem hana mögulega langaði til þess að fara.

„Ég er svo heppin að ég hef farið á marga staði. Ég hef í rauninni farið út um allan heim. En ég hef aldrei farið til Bahamaeyja. Svo kannski eins og einkaeyja þar?“

Wilson fór fögrum orðum um Ísland og hótelið í Bláa lóninu á samfélagsmiðlum síðasta sumar. Hún tók það sérstaklega fram að færslan hennar væri ekki kostuð. 

• Blogga um frétt