Alexandra og Móeiður slakar í Cannes eftir tapið

Móeiður Lárusdóttir birti þessa mynd í sögu á Instagram daginn ...
Móeiður Lárusdóttir birti þessa mynd í sögu á Instagram daginn eftir tap Íslands. skjáskot/Instagram

Vinkonurnar Alexandra Helga Ívarsdóttir og Móeiður Lárusdóttir njóta þess að vera á frönsku rivíerunni þessa dagana. Tap manna þeirra með íslenska landsliðinu virðist ekki hafa haft mikil áhrif á konurnar sem njóta nú alls þess sem Cannes hefur upp á að bjóða. 

Alexandra Helga er gift Gylfa Þór Sigurðssyni en Móeiður býr með Herði Björgvini Magnússsyni í Moskvu þar sem Hörður leikur knattspyrnu. 

Í dag, miðvikudag, birtu þær myndir af sér við hótelið InterContinental Carlton Cannes. Hótelið er fimm stjörnu lúxushótel við sjóinn. Það gerist ekki betra í Cannes.

Cannes í Frakklandi er þekktur dvalarstaður þeirra ríku og frægu en mikið er um fín hótel og veitingastaði á svæðinu. Stórstjörnur flykkjast þangað á vorin þegar kvikmyndahátíðin í Cannes fer fram. 

Alexandra Helga birti þessa mynd í sögu sinni á Instagram.
Alexandra Helga birti þessa mynd í sögu sinni á Instagram. skjáskot/Instagram
mbl.is