Flugfélag með áhafnir í megrun?

Indverska flugfélagið Air India hefur tekið upp á því að breyta matseðli áhafnameðlima undir því yfirskini að verið sé að hjálpa starfsfólki. Flugfélagið á að baki vafasama aðgerðir þegar kemur að holdafari starfsmanna. 

Á vef Times of India er greint frá því að Air India segist vera að huga að heilsu starfsmanna í háloftunum. Sérstaklega er tekið fram að nýi matseðillinn sé fitulítill. „Þetta framtak mun hjálpa áhöfnum okkar að halda áfram að vera heilsusamleg og í góðu formi,“ segir talsmaður flugfélagsins. 

Það er ekkert nema gott um það að segja þegar fyrirtæki reyna að bjóða upp á hollan mat á vinnutíma. Saga Air India er þó nokkuð umdeild í þessum málum. Ekki er lengra síðan en árið 2015 að flugfreyjur og flugþjónar fengu ekki að fljúga vegna ofþyngdar að því fram kemur á vef Independent. Flestir þeirra starfsmanna sem voru kyrrsettir voru konur. 

Flugfélagið Air India hefur ekki skilað hagnaði frá árinu 2007. AFP

• Blogga um frétt