Tónlistarmaðurinn Páll Óskar er staddur í siglingu á skemmtiferðaskipi um Karíbahafið. Hann segir það karabíska fara vel með sig.
Palli er á ferðalagi með fjölskyldu sinni og hefur meðal annars synt með höfrungum í Mexíkó og heimsótt apa í Hondúras. Hann skellti sér líka í tannhvíttun um borð í skemmtiferðaskipinu og deildi einum 8 myndum af því ævintýri.
Hann ætlar að eyða næstu vikum í sólinni en er væntanlegur til landsins fyrir jólavertíðina og spilar á tónleikum í lok nóvember.