Áhrifavaldurinn Lína Birgitta Sigurðardóttir lagði leið sína til Kanarí-eyja í gær ásamt Berglindi vinkonu sinni. Það væsir ekki um þær stöllur þar, enda eru þær á 5 stjörnu hótelinu Lopesan Baobab Resort.

Þær vinkonurnar hófu ferðina með glæsibrag og flugu út á fyrsta farrými. Hótelið er í ótrúlega fallegum afrískum stíl með fjölda sundlauga og frábæra afþreyingu fyrir fólk á öllum aldri. Það er í grennd við vitann í Maspalomeras. 

Lína og Berglind hafa aðgang að einkasundlaug og er útsýnið úr henni einstaklega fallegt. Ágætislíkamsrækt er staðnum og eru þær að sjálfsögðu búnar að taka æfingu í henni. 

Nóttin á Lopesan Baobab Resort kostar rúmlega 30 þúsund krónur miðað við tvo í herbergi.