Stjórnklefinn í Chernobyl opinn ferðamönnum

Stjórnklefinn þaðan sem starfsmenn stjórnuðu kjarnaofni númer fjögur í Chernobyl-kjarnorkuverinu hefur verið opnaður fyrir ferðamenn. Þangað geta ferðamenn nú farið með leiðsögn í tilheyrandi öryggisklæðnaði. 

Það var einmitt í stjórnklefanum fyrir kjarnaofn númer fjögur þar sem vísindamenn tóku nokkrar erfiðar ákvarðanir í Chernobyl-slysinu árið 1986. Þetta er í fyrsta skipti sem þessi tiltekni klefi er aðgengilegur ferðamönnum sem hingað til hafa ekki fengið að koma nálægt klefanum í skoðunarferðum um svæðið. Í klefanum er 400 þúsund sinum meiri geislun en venjulegt fólk ætti að vera nálægt og fá því ferðamenn aðeins að eyða nokkrum mínútum þar.

Frétt af mbl.is

Vilja sjálfu, ekki fræðslu um Tsjernóbíl

Kjarnorkuverið í Chernobyl og bærinn Pripyat hafa notið aukinna vinsælda á þessu ári í kjölfar þáttaseríunnar Chernobyl sem sýnd var á bandarísku sjónvarpsstöðinni HBO í vor. Það sem af er ári hafa 89 þúsund ferðamenn heimsótt svæðið samanborið við 72 þúsund árið 2018. 

Forseti Úkraínu, Volodymyr Zelensky, tilkynnti í júlí að ríkið ætlaði sér að bæta aðstöðu ferðamanna á svæðinu í kjölfar aukins áhuga. Afraksturinn er 21 nýi ferð um svæðið og komast ferðamenn nú á svæði sem áður voru lokuð, eins og til að mynda stjórnklefann fyrir kjarnaofn fjögur. 

• Blogga um frétt