Harry Bretaprins fór ekki með einkaþotu til Japans um helgina til þess að fylgjast með ruðningsliði Englands etja kappi við Suður-Afríku heldur flaug hann með áætlunarflugi. 

Eiginkona hans Meghan hertogaynja og sonur voru ekki með í för, en hann flaug til Tókýó á föstudag og aftur til London á sunnudag. Prinsinn vakti að sjálfsögðu athygli annarra flugfarþega og birti írska dragdrottningin Victoria Secret mynd á Instagram þar sem sást í hann. 

Óvíst er með hvaða flugfélagi hann flaug til Tókýó en hann flaug með japanska flugfélaginu Nippon Airways á heimleiðinni.

Hertogahjónin Meghan og Harry hafa orðið fyrir harðri gagnrýni fyrir að fljúga með einkaþotu á sama tíma og þau tala opinberlega um umhverfisvernd. Þau flugu nokkrum sinnum með einkaþotum í sumar, en hafa einnig flogið með áætlunarflugi, til dæmis flugu þau heim úr Suður Afríku-ferð sinni með áætlunarflugi. 

Frétt af mbl.is

Stjörnur á einkaþotum á loftlagsráðstefnu

Dragdrottningin var ákaflega spennt að sjá Harry um borð. skjáskot/Instagram

Tengdar fréttir

Stjörnur á ferð og flugi

Með kærastanum á framandi slóðum

• Reykjavíkurdóttir heimsótti gamlar slóðir
• Laufey og Daði Freyr á Lollapalooza
• Heitasta par í heimi sleikti sólina
• Netflix-stjörnur í sjóðheitu fríi í Mexíkó

» Fleiri tengdar fréttir

• Blogga um frétt