Rússinn Mikhail Galin reyndi á dögunum að smygla kettinum sínum, Viktori, um borð í flug frá Riga í Lettlandi til Vladivostok í Rússlandi. Kötturinn Viktor mátti ekki fylgja eiganda sínum inn í farþegarýmið þar sem hann var of þungur. 

Reglur rússneska flugfélagsins Aeroflot leyfa gæludýr í farþegarýminu, en aðeins ef þau eru 8 kíló eða léttari. Viktor greyið er hinsvegar 10 kíló og mátti því ekki fara um borð.

Galin og Viktor komust um borð í fyrsta flugið sitt, frá Riga til Moskvu. Þegar þeir ætluðu svo um borð í tengiflugið sitt sagði flugvallarstarfsmaðurinn að Viktor litli væri of þungur og þyrfti að fara í farangursgeymsluna. Galin var ekki hrifinn af því en dó þó ekki ráðalaus. 

Hann seinkaði fluginu sínu um einn dag. Í Moskvu fékk svo Galin köttinn Phoebe lánaða þegar hann tékkaði sig inn. Phoebe er svipuð í útliti og Viktor, en töluvert léttari. Þegar búið var að tékka Galin og Phoebe inn undir nafni Viktors, skipti hann svo á köttum. 

Galin og Viktor komust því heilu og höldnu um borð og fögnuðu með kampavínsglasi. Þegar heim var komin sagði Galin frá sögunni á Facebook. Hann hefði betur látið það ógert því Aeroflot sáu færsluna og ákváðu að eyða öllum flugpunktum Galin sem hann hafði safnað sér inn hjá flugfélaginu. 

Ráðabruggið gekk upp. skjáskot/Facebook

Tengdar fréttir

Krúttleg dýr

Íslenskir hestar og hundar frá Gasa á JFK-flugvelli

• Blóðgjöfin sem bjargaði hundslífi
• Hundur gaf hundi blóð
• Lúrði á staurnum og opnaði augun annað slagið
• Bjarni Ben fékk lítinn nafna á Bessastöðum

» Fleiri tengdar fréttir

Furðulegt á ferðalögum

Benjamin varð vitni að einstöku fyrirbæri á Svalbarða

• Bjó á flugvelli í Bologna í níu mánuði
• Færir þú í nektarsiglingu?
• Ljósmynd af sofandi ísbirni hefur heillað heiminn
• Fór í dagsferð til Íslands fyrir 6.280 krónur

» Fleiri tengdar fréttir

• Blogga um frétt